मुंबई : आर्टिफिशिल इंटेलिजन्सचा गैरवापर कसा केला जाऊ शकतो याचे उदाहरण म्हणजे डीपफेक टेक्नॉलॉजी (Deepfake Technology). या तंत्रज्ञानाच्या माध्यमातून एखाद्या व्हिडीओमध्ये दुसऱ्या व्यक्तीचा हुबेहुब चेहरा आणि आवाज बदलण्याचा चमत्कार करता येतो. सर्वसामान्य माणसांना हे व्हिडीओ खरे वाटतात. काही दिवसांपूर्वी अभिनेत्री रश्मिका मंदानाचा एक व्हिडीओ व्हायरल झाला होता. यानंतर आता बॉलीवूड अभिनेत्री आलिया भट्टचा एक व्हिडीओ समोर आला आहे. या व्हिडीओवर आलियाच्या चाहत्यांनी संताप व्यक्त केला आहे.
काय आहे व्हिडिओमध्ये?
सध्या सोशल मीडियावर आलियाचा डीपफेक व्हिडीओ तुफान व्हायरल झाला आहे. या व्हिडीओमध्ये आलियाला अतिशय बोल्ड अंदाजात दाखवण्याचा प्रयत्न करण्यात आला आहे. व्हिडीओ पाहाताच क्षणी लक्षात येत आहे की हा फेक व्हिडीओ आहे. या व्हिडीओमध्ये दिसणारी खरी मुलगी कोण आहे? काय करते? याबाबत अद्याप माहिती समोर आलेली नाही. यापूर्वी अभिनेत्री रश्मिका मंदाना, काजोल, कतरिना कैफ आणि सारा तेंडुलकर या डीपफेक व्हिडीओच्या शिकार झाल्या होत्या.
https://www.instagram.com/reel/C0Cf17WyyVr/?utm_source=ig_embed&ig_rid=0895ec09-5b01-4d2f-80b7-5d54ba76e3ec
डीपफेक तंत्रज्ञान नेमके आहे तरी काय?
डीपफेक तंत्रज्ञान हे कृत्रिम बुद्धिमत्ताचा एक प्रकार असून त्याचा वापर लोक अशा गोष्टींसाठी करत आहेत जे ते प्रत्यक्षात कधीच करू शकले नसते. एखाद्या व्यक्तीचे फोटो आणि व्हिडिओंचे मोठ्या प्रमाणात डेटाचे विश्लेषण केले जाते. त्यानंतर त्या व्यक्तीचे स्वरूप आणि आवाज यांचे वास्तववादी मॉडेल तयार करण्यासाठी कृत्रिम बुद्धिमत्तेच्या सहाय्याने बनावट व्हिडिओ आणि ऑडिओ रेकॉर्डिंग बनवली जाते. यालाच डीप सिंथेसिस तंत्रज्ञान म्हणतात. डीपफेक हे सखोल संश्लेषण तंत्रज्ञानातील सर्वात कुप्रसिद्ध प्रयोगांपैकी एक आहे. या तंत्रज्ञानाच्या गैरवापरचा सर्वात मोठा धोका महिलांना असून त्यांना लैंगिक वस्तूच्या रूपात डीपफेकच्या माध्यमातून सर्वात जास्त दाखवले जाते. कृत्रिम बुद्धिमत्ता तंत्रज्ञानाच्या सहाय्याने अश्लिल व्हिडिओ बनवले जातात.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Hingoli News : हिंगोली हळहळलं ! नवरा-बायकोचा वाद चिमुकल्यांच्या जीवावर बेतला
Shrirampur News : एजंटकडून सही दिली नाही म्हणून RTO कर्मचाऱ्यावर जीवघेणा हल्ला
Mumbai Airport : खळबळजनक ! मुंबई आंतरराष्ट्रीय विमानतळ बॉम्बने उडवण्याची धमकी