पुणे : पुणे सारख्या विद्येचे माहेरघर असणाऱ्या शहरामध्ये संतती होण्यासाठी एका महिलेला घुबडाच्या हाडाची पावडर आणि मानवी मृतदेहाच्या हाडांची पावडर खायला घातल्याचा धक्कादायक प्रकार उघडकीस आला आहे. या प्रकरणाची आता महिला आयोगाने देखील दखल घेतली आहे. महिला आयोगाच्या अध्यक्षा रूपाली चाकणकर यांनी ट्विट करून ही कारवाई करण्याचे आदेश दिले आहेत.
पुण्यात मुल होत नसल्याने महिलेला मानवी हाडांची राख खावू घातल्याचा अघोरी प्रकार उघडकीस आला आहे. विद्येचे माहेरघर, जागतिक शहर अशी ओळख असलेल्या पुण्यातील हा प्रकार निंदनीय, अमानवी आहे. राज्य महिला आयोगाने या प्रकरणाची स्वाधिकारे दखल घेतली असून सिंहगड रोड पोलिस स्टेशनच्या 1/2 pic.twitter.com/72SyZ8mIre
— Rupali Chakankar (@ChakankarSpeaks) January 19, 2023
महिला आयोगाच्या अध्यक्षा रूपाली चाकणकर यांनी लिहिले आहे की, “पुण्यात मूल होत नसल्याने महिलेला मानवी हाडांची राख खाऊ घातल्याचा आघोरी प्रकार उघडकीस आला होता. विद्येचे माहेरघर, जागतिक शहर अशी ओळख असलेल्या पुण्यातील हा प्रकार निंदनीय अमानवी आहे. राज्य महिला आयोगाने या प्रकरणाची स्वाधीकाराने दखल घेतली असून, सिंहगड रोड पोलीस स्टेशनच्या वरिष्ठ पोलीस निरीक्षकांना तातडीने कार्यवाही करत आयोगास अहवाल सादर करण्याचे निर्देश दिले आहेत.” असे ट्विट रूपाली चाकणकर यांनी केले आहे.
