उमेश पाल हत्याकांडातील फरार माफिया अतिक अहमदचा मुलगा असद आणि त्याचा साथीदार गुलाम या दोघांना यूपी एसटीएफने एन्काउंटरमध्ये ठार केले आहे. झाशी येथे झालेल्या चकमकीत या दोघांचा खात्मा करण्यात आला आला आहे. युपी पोलिसांनी ढेर केलेला असद अहमद कोण होता ?
अतिक अहमद मुलगा असद आणि गुलामचा मुलगा मकसूदन हे दोघेही प्रयागराजच्या उमेश पाल खून प्रकरणात वॉन्टेड होते. या दोघांवर पाच लाख रुपयांचे बक्षीस ठेवण्यात आले होते.
वास्तविक असद अहमद या तरुणावर कोणताही गुन्हा दाखल नव्हता. मात्र असदने 24 फेब्रुवारी २०२३ रोजी प्रयागराजमधील भररस्त्यात अर्धा डझन शूटर्ससह उमेश पाल यांची हत्या केली होती. असद हा गुंडगिरीतून राजकारणात प्रवेश केलेल्या गँगस्टर अतिक अहमद यांचा तिसरा मुलगा होता. असद लखनऊ येथून एका चांगल्या शाळेतून 12 वी उत्तीर्ण झाला होता. तिथूनच तो आपली टोळी चालवत असे
त्याच्या कुटुंबाच्या गुन्हेगारी रेकॉर्डमुळे असद पुढील शिक्षणासाठी परदेशात जाऊ शकला नाही, कारण त्याला पासपोर्ट मिळू शकला नाही. उमेश पालची हत्या होईपर्यंत असद पोलिसांच्या रेकॉर्डवर नव्हता. मात्र हत्येच्या वेळी सीसी टीव्ही फुटेजमध्ये कैद झाल्यामुळे तो पोलिसांच्या नजरेत आला. असद यांच्या डोक्यावर त्यांच्या कुटुंबातील इतर सदस्यांपेक्षा सर्वाधिक ५ लाख रुपयांचे बक्षीस होते. असदचे वडील अतिक अहमद हे गुजरातमधील साबरमती तुरुंगात, तर काका अश्रफ हे उत्तर प्रदेशातील बरेली तुरुंगात आहेत. त्याच्या अनुपस्थितीत अतिकची दोन मोठी मुले उमर आणि अली गेल्या काही वर्षांपासून ही दहशतवादी टोळी चालवत होते.
तपास यंत्रणांनी आतिक अहमदच्या दोन्ही मोठ्या मुलांवर बक्षीस जाहीर केल्यानंतर गेल्या वर्षी जुलैमध्ये दोन्ही भावांनी न्यायालयात आत्मसमर्पण केले होते. पोलीस चकमकीत त्यांचा खात्मा करतील अशी भीती त्यांना वाटत होती. यानंतर असदने टोळीची सूत्रे हाती घेतली. आतिकला आणखी दोन लहान मुले आहेत, आझम आणि आबान, ते अनुक्रमे १०वी आणि आठवीत शिकतात. आझम आणि अबान यांना सध्या बाल केंद्रात ठेवण्यात आले आहे. पोलिसांनी सांगितले की, उमेश पालची हत्या केल्यानंतर त्यांना ते निराधारपणे भटकताना आढळले, तर त्यांची आई शाइस्ता परवीन यांनी न्यायालयात अर्ज दाखल केला की, पोलिसांनी मुलांना त्यांच्या घरातून नेले आहे. उमेश पाल हत्याकांडातील परवीनही आरोपी असून ती फरार आहे.
अतिक अहमद ढसाढसा रडला
आज माफिया अतिक अहमद याला प्रयागराज कोर्टात हजर करण्यात आले. त्यावेळी त्याच्या मुलाचा एन्काउंटर झाल्याचे सांगण्यात आले. मुलाच्या मृत्यूची बातमी ऐकताच अतिक अहमद कोर्टातच ढसाढसा रडला.
