शिवसेना नेमकी कुणाची आणि शिवसेना हे पक्ष चिन्ह नक्की कुणाचं याबाबत केंद्रीय निवडणूक आयोगासमोर आज सुनावणी घेण्यात आली. एकनाथ शिंदे यांच्या बंडानंतर हा वाद निर्माण झाला होता. दरम्यान निवडणूक आयोगानं दोन्हीही गटांना कागदपत्र सादर करण्यास सांगितलं होतं. त्यानंतर दोन्हीही गटांकडून कागदपत्रे सादर करण्यात आली असून निवडणूक आयोगाने सुनावणीला सुरुवात केली. विशेष म्हणजे यावेळी ठाकरे गटाचे खासदार अनिल देसाई उपस्थित होते. तथापि शिंदे गटाकडून कोणतेही प्रतिनिधी मात्र उपस्थित नव्हते.
दरम्यान आजच्या सुनावणीमध्ये कोणताही युक्तिवाद झालेला नाही. असे स्पष्टीकरण अनिल देसाई यांनी दिले. केंद्रीय आयोगासमोर सुनावणी सुरू होण्यापूर्वी मुख्य निवडणूक आयोग आयुक्तांनी काही महत्त्वाच्या बाबींवर प्रकाश झोत टाकला. यावेळी केंद्रीय निवडणूक आयोगासमोर जमा झालेल्या कागदपत्रांची छाननी महत्त्वाची असून दोन्ही बाजूच्या पक्षांचे यासंदर्भात अर्ज आले आहेत यावर मुख्य सुनावणी सुरू करायची की बाजूने ज्या गोष्टी येत आहेत यावर अधिक माहिती घ्यायची याबाबत दोन्हीही गटांशी चर्चा करून मुख्य सुनावणी जानेवारीमध्ये होणार असल्याचं सांगण्यात आलो आहे.
ठाकरे गटाकडून तीन लाख प्रतिज्ञापत्र सादर करण्यात आली आहेत. आणि बाकीचे आमचे प्राथमिक सदस्यांची नोंद आहेत. असे यावेळी अनिल देसाई यांनी सांगितले त्यामुळे, आता पुढील सुनावणी जानेवारीच्या पहिल्या आठवड्यात होणार आहे असे निवडणूक आयुक्तांनी सांगितले आहे.
