पुणे- पुण्यातील ऐतिहासिक लाला महालात लावणी नृत्याचे शूटिंग केल्यावरून सध्या वैष्णवी पाटील आणि कुलदीप बापट यांच्यावर टीकेचा वर्षाव होत आहे. या प्रकरणी त्यांच्या विरोधात फरासखाना पोलीस ठाण्यात गुन्हा देखील दाखल झाला आहे. या प्रकरणावर आता वैष्णव पाटील यांनी आपला माफीनामा तिच्या इंस्टाग्रामवर पोस्ट केला आहे. त्यामध्ये वैष्णवी पाटील म्हणते की, अर्धवट ज्ञानातून बालबुद्धीने आमची चूक झाली. आम्हाला माफ करा !
सध्या गाजत असलेल्या चंद्रमुखी चित्रपटातील चंद्रा गाण्यावर नृत्यांगना वैष्णवी पाटील नृत्य करतानाचा व्हिडिओ व्हायरल झाला आणि या प्रकारचा अनेक सामाजिक संघटनांनी तीव्र विरोध केला. संभाजी ब्रिगेडने याचा तीव्र शब्दात निषेध केला. मंत्री जितेंद्र आव्हाड यांनी देखील लाल महाल हे लावणी नृत्य करण्याचे ठिकाण नाही अशा शब्दात झापले होते.
एकूणच या व्हिडिओवरून तीव्र प्रतिक्रिया उमटत असतानाच या व्हिडिओमध्ये लावणी नृत्य करणाऱ्या वैष्णवी पाटील यांनी इंस्टाग्रामवर लाइव्ह येत आपला माफीनामा दिला आहे.
काय म्हणाली वैष्णवी पाटील ?
“काही दिवसांपूर्वी मी पुण्यातील लाल महालात चंद्रा लावणी या डान्सचा व्हिडीओ केला होता. तो व्हिडीओ करत असताना माझ्या ध्यानीमनीसुद्धा आलं नव्हत की अस काही होईल. मी एक डान्सर म्हणून तो व्हिडीओ केला. शिवप्रेमींचं आणि तुम्हा सर्वांचे मन दुखावण्या माझा अजिबात हेतू नव्हता. मी स्वत: शिवप्रेमी आहे. माझ्याकडून चूक झाली हे मला कळलं आणि ज्याक्षणी मला ते कळलं त्याक्षणी मी त व्हिडीओ डिलिट केला होता. परंतु डिलिट करण्याआधीच तो व्हिडीओ व्हायरल झाला आणि खूप ठिकाणी शेअर झाला. आताही मी चाहत्यांना विनंती करतेय की तो व्हिडीओ डिलिट करा. मी लाल महालात व्हिडीओ करण्याची चूक केली. मी जाणूनबुजून ती चूक केली नव्हती. मी माझी चूक मान्य करते. मी सर्वांची माफी मागते एक मराठी मुलगी आणि शिवकन्या असल्याचा मला अभिमान आहे. मी पुन्ह कधीच अशी चूक करणार नाही”
वैष्णवी पाटीलचा माफीनामा पाहण्यासाठी खालील लिंक क्लिक करा
https://www.instagram.com/p/CdyTF-eD5T6/?utm_source=ig_embed&utm_campaign=embed_video_watch_again