मुंबई : निवडणूक आयोगासमोर आज चार वाजता ‘धनुष्यबाण’ कोणाचं ? या महत्त्वाच्या दाव्यावर सुनावणी होते आहे. शिवसेनेतील एकनाथ शिंदे यांनी बंडखोरी केल्यानंतर निवडणूक आयोगाने शिवसेनेचे धनुष्यबाण हे चिन्ह तात्पुरतं गोठवलं होतं. त्यानंतर ठाकरे गटाला मशाल आणि शिंदे गटाला ढाल आणि तलवार हे चिन्ह देण्यात आलं होतं. परंतु मूळ धनुष्यबाण या शिवसेनेच्या चिन्हावर ठाकरे गटाने आणि शिंदे गटाने दावा ठोकला आहे.
त्याचबरोबर उद्धव ठाकरे यांच्या पक्षप्रमुख पदाची मुदत येत्या 23 जानेवारीला संपते आहे. त्यामुळे आजची सुरू असणारी ही सुनावणी दोन्हीही गटांसाठी अत्यंत महत्त्वाची मानली जाते आहे. आजच्या या सुनावणीनंतर धनुष्यबाण हे चिन्ह ठाकरेंना मिळणार की शिंदे गटाला मिळणार याचा कदाचित निर्णय होऊ शकतो लवकरच हे स्पष्ट होईल.