नागपूर : उमेश कोल्हे हत्याप्रकरणी गुप्तचर विभागाकडून उद्धव ठाकरेंच्या फोनची चौकशी होणार असल्याची आज शंभूराज देसाई यांनी घोषणा केली. उद्धव ठाकरे मुख्यमंत्री असताना उमेश कोल्हे हत्याकांड प्रकरण घडले होते. नुपूर शर्मा प्रकरणावरून कथित हत्या झाल्याने चर्चेत असलेल्या उमेश कोल्हे हत्या प्रकरणात गुप्तचर विभागाकडून उद्धव ठाकरेंच्या फोनची चौकशी होणार आहे.
कोण होते उमेश कोल्हे
उमेश कोल्हे हे हिंदू प्रचारक होते. दरम्यान नुपूर शर्मा यांनी एक पोस्ट त्यावेळी व्हायरल केली होती. या पोस्ट प्रकरणानंतर उमेश कोल्हे यांना अनेक वेळा धमकी आल्या. परंतु या धमक्यांना वेळेत पोलीस प्रशासनाने गांभीर्याने घेतलं नाही. आणि त्यानंतर उमेश कोल्हे यांची भर चौकात हत्या करण्यात आली होती.
त्यानंतर तात्कालीन महाराष्ट्राचे मुख्यमंत्री उद्धव ठाकरे यांनी या प्रकरणाचा तपास काँग्रेस मंत्र्यांच्या सांगण्यावरून जबरी चोरी आणि हत्या मध्ये कन्व्हर्ट केला होता. या प्रकरणांन आता पुन्हा एकदा डोकं वर काढल आहे. त्यामुळे तात्कालीन मुख्यमंत्री उद्धव ठाकरे यांच्या अडचणींमध्ये वाढ होताना दिसून येते आहे.
याप्रकरणी आता राज्य गुप्तचर आयुक्तांकडून विस्तृत अहवाल पंधरा दिवसांच्या आत मागवला जाईल गृहमंत्री अहवाल सादर करणार आहेत. हा अहवाल प्राप्त झाल्यानंतर राज्य गुप्तचर विभागाकडून या संपूर्ण प्रकरणाचा अहवाल मांडलेले मुद्दे टाकून तयार करणार आहे अशी माहिती आज शंभूराजे देसाई यांनी सभागृहात दिली आहे.