उन्हाळी पर्यटनस्थळे : मार्च महिना येताच उन्हाळा सुरू होतो. उन्हाळा जसजसा जवळ येतो तसतसे लोक सुट्टीचे प्लॅनिंग करू लागतात. पण सुट्टीवर जाण्यासाठी लोक आपल्या बजेटचीही विशेष काळजी घेतात. अशा तऱ्हेने जर तुम्हीही तुमच्या मित्र- मैत्रिणी, कुटुंब किंवा पार्टनरसोबत कुठेतरी फिरण्याचा प्लॅन करत असाल तर आम्ही तुम्हाला अशा काही ठिकाणांबद्दल सांगणार आहोत जिथे तुम्ही तुमची परफेक्ट सुट्टी तर घालवू शकालच, पण कमी बजेटमध्ये भरपूर एन्जॉय ही करू शकाल. चला तर मग जाणून घेऊया अशाच काही व्हेकेशन डेस्टिनेशन्सबद्दल…
ऋषिकेश
जर तुम्हाला तुमची सुट्टी कमी पैशात आरामात घालवायची असेल तर त्यासाठी तुम्ही उत्तराखंडमधील ऋषिकेशला जाऊ शकता. इथले सुंदर नजारे तुम्हाला आनंद तर देतीलच, पण गंगेच्या तीरावरील आरती मनाला विश्रांती देईल. तसेच तुम्ही साहसप्रेमी असाल तर येथे ट्रेकिंग, राफ्टिंगचा ही आनंद घेऊ शकता.
बनारस
उत्तर प्रदेशातील बनारस जगभर प्रसिद्ध आहे. या शहराचं सौंदर्य बॉलिवूडच्या अनेक सिनेमांमध्येही पाहायला मिळालं आहे. बनारस हे या महिन्यात फिरण्यासाठी योग्य ठिकाण ठरेल. दोन-तीन दिवसांत तुम्ही इथल्या अनेक प्रसिद्ध आणि लोकप्रिय ठिकाणांना भेट देऊ शकता. तसेच येथे राहण्याचा आणि फिरण्याचा खर्च आपल्या बजेटनुसार होतो. याशिवाय तुम्हाला येथे स्वादिष्ट पदार्थांचा ही आस्वाद घेता येणार आहे.
कसोल
नैसर्गिक सौंदर्याने नटलेले हिमाचल प्रदेश आपल्या सौंदर्यासाठी देश आणि जगात प्रसिद्ध आहे. या राज्यात पाहण्यासारखी अनेक पर्यटनस्थळे आहेत, पण कसोलचे नैसर्गिक सौंदर्य तुम्हाला भुरळ घालेल. जर तुम्हाला ट्रेकिंगची आवड असेल तर ही जागा तुमच्यासाठी एखाद्या स्वर्गापेक्षा कमी नाही. मार्च ते जून हा महिना येथे फिरण्यासाठी योग्य आहे. येथे तुम्हाला कमी पैशात खाण्यासाठी, राहण्यासाठी आणि फिरण्यासाठी वाहतूक सहज मिळेल.
कूर्ग
उन्हाळ्यात कूर्ग देखील फिरण्यासाठी एक उत्तम ठिकाण सिद्ध होईल. दरवर्षी या ऋतूत अनेक जण येथे येतात. हे भारतातील एक प्रसिद्ध हिल स्टेशन आहे. इथे तुम्ही तुमच्या बजेटनुसार सुंदर धबधबे, हिरवळ आणि चहाच्या बागांचा आनंद घेऊ शकता.