मुंबई : मुंबईच्या अंधेरी भागातून एक विचित्र घटना उघडकीस आली आहे. मिळालेल्या माहितीनुसार, फिर्यादी हे 22 फेब्रुवारी रोजी भुलेश्वरला गेले होते. या ठिकाणी ते आपल्या सासू कडून फ्लॅट खरेदी करण्यासाठी 44 लाख रुपयांची रोकड घेऊन येत असताना त्यांना रात्री बाराच्या सुमारास दोघा भामट्यांनी अडवले. एका चोरट्याने पोलीस असल्याचा बनाव केला आणि तपासणीच्या बहाण्याने परवाना मागितला. तर दुसऱ्या भामट्याने ही रोख रक्कम असलेली बॅग उचलून पोबारा केला असं फिर्यादीने तक्रारीत म्हटले आहे.
दरम्यान या चोरीचा अधिक तपास करत असताना एक अजबच घटना उघडकीस आली आहे. फिर्यादीने माहिती देत असताना गडबड केली. यातूनच संशयातून पोलिसांनी त्यांच्या वडिलांना फोन लावला असता असा कोणताही प्रकार घडला नसल्याचे त्यांनी म्हटलं. पोलिसांनी कसून चौकशी केली असता पत्नीला अद्दल घडवण्यासाठी पतीनेच ही चोरी करवली असल्याचं पतीने मान्य केला आहे.
दरम्यान या प्रकरणातील आरोपी अमित व्होरा (वय वर्ष 30) यांच्या पत्नीला खर्च करण्याची सवय होती. अमित बोरा हे इव्हेंट मॅनेजमेंटचे काम करतात त्यांनी कमावलेल्या पैशाची पत्नी किंमत करत नाही आणि आईच्या संपत्तीचा बडेजाव मिरवते याच रागातून तिला अद्दल घडवण्यासाठी हे 44 लाख रुपयांची चोरी झालं असल्याचं त्यांनी खोटं सांगितलं आणि ते रोकड आपल्या मालाड मधील फ्लॅटवर नेऊन ठेवली होती.
याप्रकरणी अमित भरा वय वर्ष 30 या पोलिसांनी अटक केली असून कलम 406 अन्वये गुन्हा दाखल करण्यात आला आहे.
