पुणे : बाईक टॅक्सी विरोधी आंदोलन समितीने पुण्यामध्ये मोठे आंदोलन केले. यानंतर मनसे प्रमुख राज ठाकरे यांची भेट घेऊन बारा डिसेंबर पर्यंत हा बंद मागे घेण्यात आला. त्यामुळेच आता बारा डिसेंबरचा बंद होऊ नये यासाठी प्रशासनाने दिलेला शब्द विसरू नये ही आठवण करून देण्याच्या हेतून या समितीने एक फलक पुणे आरटीओच्या बाहेर लावला आहे.
28 नोव्हेंबरला चक्काजाम आंदोलन करण्यात आलं. याचा फार मोठा फटका पुणेकरांना नक्कीच बसला. कारण रिक्षाने पुकारलेला संप यामुळे वाहतुकीचा प्रश्न निर्माण झाला होता. त्यानंतर प्रशासनानं 12 डिसेंबरचा संप करण्याची वेळ येणार नाही असा आश्वासन दिल आहे. त्यामुळे पुन्हा एकदा आठवण करून देण्याच्या दृष्टीने हा काउंट डाऊन फलक इथे लावण्यात आला आहे.
यावर लिहिल आहे की, 28 नोव्हेंबर 2022 ला आम्ही रिक्षा चालकांनी बंद पुकारला होता. शासन आणि बेकायदा बाईक टॅक्सी पूर्णपणे बंद करेल, असं आश्वासन दिल्यावर पुणेकरांची गैरसोय होऊ नये म्हणून आम्ही एक पाऊल मागे घेऊन आमचे बेमुदत रिक्षा बंदचे चक्काजाम आंदोलन मागे घेतलं. त्याच दिवशी प्रशासना समोर बाई टॅक्सी विरोधात 12 डिसेंबर पासून आमच्या मागण्या मान्य झाल्या नाहीत तर आमचे आंदोलन अजून तीव्रतेने चालू होईल असं सांगितलं होतं. या पुढील आंदोलनास प्रशासन जबाबदार राहील याची पुणेकरांनी नोंद घ्यावी असं या फलकावर लिहून प्रशासनाला रोज एक आठवण करून देण्याचा हा प्रयत्न आहे.