पुणे : शहरातील पश्चिम भागातील महत्त्वाचा असलेल्या चांदणी चौक मध्ये वाहतूक कोंडीला पर्याय म्हणून चांदणी चौकातील बावधन ते कोथरूड, व मुळशी, पौड कडे जाणारा भाऊ चर्चित पूल पाडण्यात आलेला आहे. परंतु यामध्ये पादचारी यांचा कुठेही विचार करण्यात आलेला नाही. आज या तिन्ही ठिकाणी जायचं असेल तर मागणी करून गेले सहा महिन्यात कोणताही स्काय वाक पूलची पर्यायी व्यवस्था करण्यात आलेली नाही. त्यामुळे सर्वसामान्य नागरिकांना जीव मुठीत धरून रस्ता क्रॉस करावा लागतो.
पाषाण बावधन कडून येणाऱ्या नागरिकांना मुळशीकडे जाताना कोणतीही व्यवस्था करण्यात आलेले नसून, एक बायपास एक्सप्रेस हायवेला मोठे लोखंडी बॅरिगेड असल्यामुळे रस्ता क्रॉस करता येत नाही. याबाबत अनेक वेळा मागणी करूनही नॅशनल हायवे अथॉरिटी व पुणे मनपा याबाबत गांभीर्याने लक्ष देत नाही. तसेच पाषाण बावधन कडून कोथरूडकडे जाणाऱ्या सर्वसामान्य नागरिकांना कोणतीही फुटपाथची व्यवस्था केलेली नाही.
नागरिकांना वाहतुकी कोंडीतून जीव मुठीत धरून प्रवास करावा लागतो. तरी स्कायवॉकची व्यवस्था व कोथरूडकडे जाणाऱ्या नागरिकांसाठी फूटपाथ व्यवस्था लोखंडी बॅरिगेट लावून करावी. अशी विनंती महाराष्ट्र राज्य वाहन चालक मालक प्रतिनिधी बाबा शिंदे यांनी केली आहे.