पुणे : पुण्यातील पाषाण भागातून एक धक्कादायक घटना समोर येते आहे. चित्रकला शिकवण्यासाठी घरी येणाऱ्या शिक्षकाने आपल्या सोळा वर्षीय विद्यार्थिनीचा विनयभंग केला आहे. याप्रकरणी निलेश पवार वय वर्ष 49 या चित्रकला शिक्षकास अटक करण्यात आली आहे.
मिळालेल्या सविस्तर माहितीनुसार, फिर्यादी सोळा वर्षीय युवतीच्या स्टुडिओमध्ये 16 नोव्हेंबर रोजी सायंकाळी ही धक्कादायक घटना घडली आहे. चित्रकला शिकवण्यासाठी म्हणून आलेल्या या शिक्षकाने स्टुडिओमध्ये एकटे असताना विद्यार्थिनीवर डायलॉग बाजी करून तिला इम्प्रेस करण्याचा प्रयत्न केला. यावेळी राजकुमारचा डायलॉग त्याने मारला, “आपके पाव देखे, बहुत हसीन है, इन्हे जमीन पर मत उतारीयेगा,मेले हो जायेंगे! अशी डायलॉग बाजी करून तिच्या पायाला स्पर्श करून तुझे पाय किती मऊ आहेत असे म्हणून ती चित्र काढत असताना दरवाजा आतून बंद करून घेतला.
त्यानंतर या विद्यार्थिनीला कामसूत्राचे फोटो दाखवले आणि तिला मिठीत घेऊन तू मला खूप आवडते. तू केस मोकळे सोडत जा.केस मोकळे असताना सुंदर दिसते. आज कालच्या मुलींना लग्न झालेल्या एक्स्पिरियन्स माणसांशी संबंध ठेवायला खूप आवडतात. आय लव यू म्हणत तिचा विनयभंग केला आहे. याप्रकरणी 16 वर्षीय तरुणीने विनयभंगाची तक्रार चतुशृंगी पोलीस ठाण्यामध्ये केली होती. या शिक्षकाच्या पोलिसांनी आता मुसक्या आवळल्या आहेत.