हडपसर : हडपसर येथील शेवाळवाडीमध्ये दोन बाल मैत्रिणींनी आत्महत्या केल्याच्या घटनेने एकच खळबळ उडाली. एकीने गळफास घेतला तर तिला अॅम्बुलन्समधून घेऊन जातानाच त्याच ठिकाणी दुसरीने इमारतीच्या पाचव्या मजल्यावरून उडी मारुन केली आत्महत्या केली आहे.आत्महत्येचे कारण समजू शकले नाही.हडपसर पोलीस पुढील तपास करीत आहेत.या अचानक घडलेल्या दुर्दैवी घटनेमुळे परिसरात शोककळा पसरली आहे.
सारिका हरिश्चंद्र भागवत (वय- १९ रा. क्रिस्टल सोसायटीकडूनच, शेवाळेवाडी) व आकांक्षा औदुंबर गायकवाड (वय- १९रा. मराठी शाळेसमोर शेवाळेवाडी) अशी आत्महत्या केलेल्या दोन मैत्रिणींची नावे असून वरील धक्कादायक प्रकार शेवाळवाडी गावातील जिल्हा परिषदेच्या शाळेजवळ क्रिस्टल सोसायटी या इमारतीत सायंकाळी साडेसात वाजण्याच्या सुमारास घडला आहे.
हडपसर पोलिसांकडून मिळालेल्या माहितीनुसार, आकांक्षा व सारिका या दोघीही मैत्रिणी होत्या. सात वाजण्याच्या सुमारास सारिका हिने राहत्या घरी साडीच्या साहाय्याने गळफास लावून आत्महत्या केली. गळफास घेतल्याची माहिती पोलिसांना मिळतच पेट्रोलिंग करणारे पोलिस कर्मचारी घटनास्थळी पोहचले होते. तिचा मृतदेह पोलीस रूग्णवाहिकेमध्ये घेऊन जात असतानाच, आकांक्षाने पहिला व तिने त्याच इमारतीचा पाचवा मजला गाठला. पाचव्या मजल्यावरून उडी घेतली. व ती रुग्णवाहिकेजवळ पडली उंचीवरून पडल्यामुळे गंभीर जखमी झाल्याने तिचाही मृत्यू झाला.अचानक घडलेल्या घटनेमुळे एकच घबराट उडाली हाेती.आत्महत्येचे कारण अद्याप समजलेले नाही.अशी माहिती वरिष्ठ पोलीस निरीक्षक अरविंद गोकुळे यांनी दिली.पुढील तपास हडपसर पोलीस करीत आहेत.
