सातारा : साताऱ्यातून एक धक्कादायक घटना घडली आहे. सातवीत शिकणाऱ्या एका मुलीची पाळी चार महिने चुकल्यामुळे तिच्या आईने तिला वैद्यकीय तपासणीसाठी नेले असता डॉक्टरांनी सोनोग्राफीचा सल्ला दिला. सोनोग्राफी केल्यानंतर ही सातवीत शिकणारी मुलगी चार महिन्यांची गर्भवती असल्याचा धक्कादायक रिपोर्ट कुटुंबियांच्या हातात आला.
यांनी कुटुंबीयांना धक्का बसला, मुलीच्या आईने तिला विश्वासात घेऊन विचारले असता इंस्टाग्राम वरून मैत्री झालेला एक मुलगा त्यांच्याच घरी आला होता. 2022 मध्ये तिच्याशी गोड बोलून त्याने शरीर संबंध प्रस्थापित केले आणि त्यातूनच ही मुलगी चार महिन्यांची गर्भवती राहिली असल्याचे उघडकीस आलं. त्यानंतर या मुलीच्या आईने पोलिसात तक्रार दाखल केली.
या मुलावर आता गुन्हा दाखल करण्यात आला असून पॉक्सो अंतर्गत आणि 376 कलमाप्रमाणे या मुलाची आता रवानगी रिमांडहोम मध्ये करण्यात आली आहे. तर या मुलीवर शासकीय रुग्णालयात उपचार सुरू आहेत. हे दोघेही वेगवेगळ्या शाळेत शिकतात पण इंस्टाग्राम वरून यांची मैत्री झाली होती.