पुणे : दिवाळी आता तोंडावर आली आहे. त्यानिमित्ताने खरेदीसाठी पुणेकर बाहेर पडले आहेत. भर बाजारपेठेमध्ये निमुळते रस्ते, त्यात नागरिकांनी चार चाकी वाहने देखील भर बाजारपेठेत घातल्यामुळे सध्या बाजारपेठा तुडुंब भरल्या आहेत. खरेदीसाठी बाहेर पडलेले नागरिक, सामान भरण्यासाठी थांबलेले मालवाहू ट्रक यामुळे सध्या वाहतुकीचा बोजवारा उडाला आहे.
दिवाळीमध्ये वाहतुकीच्या हा प्रश्न नवीन नाही, परंतु तरीही वाहतूक पोलीस यांच्या कार्यप्रणालीवर सध्या प्रश्नचिन्ह उपस्थित राहत आहेत. भर दुपारीच या परिसरामध्ये वाहने जागच्या जागी थांबली होती, एवढी मोठी वाहतूक कोंडी जर भर दुपारी झाली तर आईन संध्याकाळच्या वेळेमध्ये वाहतूक कोंडी अधिक मोठे स्वरूप घेऊ शकते.
