पिंपरी चिंचवड : कामावर जाण्यासाठी आईने मुलाला झोपेतून जागं करण्यासाठी आवाज दिले. पण गाढ झोपेत असलेल्या त्या मुलाला झोपेतून उठवण्याचा एवढा राग आला की त्याने थेट आपल्या आईवर जीवघेणा हल्ला केल्याची धक्कादाय घटना पिंपरी चिंचवड मध्ये घडली आहे. या हल्ल्यामध्ये दुर्दैवी जन्मदात्रीला आपले प्राण गमवावे लागले आहेत. याप्रकरणी गुन्हे शाखा युनिट दोनने या आरोपी नराधम मुलाला अटक केली आहे.
मिळालेल्या सविस्तर माहितीनुसार, अशोक शिंदे वय वर्ष 30 असे आरोपीचे नाव आहे. हा एक सराईत गुन्हेगार असून एका हत्येच्या प्रकरणात त्याला अटक झाली होती. तर चार वर्षे तो तुरुंगात देखील होता. या हल्ल्यामध्ये पारेगाबाई यांचा मृत्यू झाला आहे. पारेगाव यांना तीन मुली आणि एक मुलगा म्हणजेच विश्वास हा होता.
या तीनही मुलींची लग्न झाली होती. तर विश्वास हा कचऱ्याच्या घंटागाडीवर लेबर म्हणून काम करत होता. आणि पारेगाबाई या देखील कचरा गोळा करण्याचं काम करत होत्या. तुरुंगातून बाहेर पडल्यानंतर विश्वास याला दारूचे व्यसन लागलं होतं. दरम्यान दारू पिऊन विश्वास आदल्या रात्री झोपला होता. कामावर जाण्यासाठी सकाळी पारेगाबाई या त्याला उठवण्यासाठी गेल्या तेव्हा मुलाला संताप आला आणि त्याने थेट आईवर जीवघेणा हल्ला केला.
यामध्ये डोक्यावर घाव घातल्याने त्या रक्तबंबाळ झाल्या होत्या. जीव वाचवण्यासाठी त्या घराच्या बाहेर पळाल्या, विश्वासही पुन्हा त्यांच्या मागे पळाला होता. पण शेजारी धावत आल्याने तो प्रसंग तिथे थांबला. पण पारेगाबाई यांचा उपचारादरम्यान मृत्यू झाला.