नवी दिल्ली : निवडणूक आयोगाने शिवसेना पक्षाचे नाव आणि पक्षाचे चिन्ह अर्थात धनुष्यबाण हे गोठवले आहे. निवडणूक आयोगाच्या या निर्णयाला उद्धव ठाकरे गटाने दिल्ली हायकोर्टात आव्हान दिले आहे. या विषयी दिल्ली हायकोर्टामध्ये याचिका दाखल करण्यात आली असून, या याचीकेवर उद्या सुनावणी होणार असल्याची माहिती मिळाली आहे. निवडणूक आयोगाने हा निर्णय स्थगित करावा ही प्रमुख मागणी ठाकरे गटाने दिल्ली हायकोर्ट मध्ये केली आहे.
दरम्यान या याचिकेवर आजच तातडीची सुनावणी करण्यात यावी अशी मागणी देखील ठाकरे गटाने केली होती. परंतु आता या प्रकरणी उद्या महत्त्वाची सुनावणी होणार आहे.
