सिंधुदुर्ग- मालवणच्या तारकर्लीमध्ये पर्यटकांनी भरलेली बोट समुद्रात बुडाल्याची धक्कादायक घटना घडली आहे. या बोटीत एकूण 20 पर्यटत होते. त्यापैकी दोघांचा बुडून मृत्यू झाला. दोघांची प्रकृती चिंताजनक आहे. 16 पर्यटकांना वाचवण्यात यशं आलंय. बोट कशामुळे बुडाली याची माहिती अद्याप मिळाली नाही.
प्राथमिक माहितीनुसार, आज, मंगळवारी दुपारच्या सुमारास ही घटना घडली. जय गजानन नावाची बोट स्कुबा डायव्हिंग करून परत येत असताना ही दुर्दैवी घटना घडली.
प्राथमिक माहितीनुसार, आज सकाळी तारकर्लीच्या समुद्रकिनाऱ्यावर २० जणांना घेऊन जय गजानन नावाची बोट स्कुबा डायव्हिंगसाठी गेली होती. त्यानंतर स्कुबा डायव्हिंगही व्यवस्थित पार पडले. मात्र, तेथू परत येताना समुद्रकिनाऱ्यापासून काही अंतरावर असतानाच अचानक बोट उलटली. बोट उलटल्यानंतर पर्यटकांना वाचवण्यासाठी मदतकार्य सुरु झाले.
या सर्वांना समुद्रातून बाहेर काढेपर्यंत दोन जणांचा मृत्यू झाला. तर दोन जण गंभीर जखमी झाले. या जखमींवर सध्या मालवण ग्रामीण रुग्णालयात उपचार सुरु आहेत. बोटीतील सर्व पर्यटक हे पुणे आणि मुंबईतील असल्याचे समजते. मात्र, बोट समुद्रात अचानक का उलटली, याचे कारण अद्याप स्पष्ट झालेले नाही.