पुणे : राज्यातील महानगरपालिकेच्या निवडणुका तोंडावर आहेत . अशातच सातत्याने प्रभाग रचनेत होणारे बदल यामुळे प्रथापित नगरसेवक आणि इच्छुक उमेदवार यांच्यामध्ये गोंधळ निर्माण होतो आहे. अशातच आता पुन्हा एकदा मुंबई पाठोपाठ पुण्याच्या प्रभाग रचनेच्या बदलाच्या निर्णयाला सुप्रीम कोर्टाने स्थगिती दिली आहे.
महाविकास आघाडी सरकारने 2017 ला त्री-सदस्य प्रभाग रचना केली . त्यानंतर भाजप आणि एकनाथ शिंदे सरकारने पुन्हा एकदा चार सदस्यांचा प्रभाग ठेवण्याचा निर्णय घेतला . त्यामुळे गोंधळ निर्माण होत असतानाच पुण्यातील प्रभाग रचनेच्या बदलांसंदर्भात राष्ट्रवादी शहर काँग्रेसने सुप्रीम कोर्टात दाखल केलेल्या याचीकेवरून पुण्यातील प्रभाग रचना बदलाच्या निर्णयाला सुप्रीम कोर्टाने स्थगिती दिली आहे.
पुणे महानगरपालिका यासह पिंपरी चिंचवड महानगरपालिकेमध्ये भाजपची सत्ता आहे राज्य सरकारने घेतलेल्या निर्णयानुसार चार सदस्यांच्या प्रभाग रचनेवर राष्ट्रवादी शहर काँग्रेसने दाखल केलेल्या याचिकेनुसार सुप्रीम कोर्टाने आज स्थगिती दिली त्यामुळे भाजप आणि एकनाथ शिंदे गटाला मोठा झटका बसला आहे