नवी दिल्ली : कर्नाटक सरकारने शैक्षणिक संस्थांमध्ये घातलेल्या हिजाब बंदीवर सर्वोच्च न्यायालयाच्या दोन न्यायाधीशांचं एकमत होऊ शकले नाही. जस्टीस सुधांशू धुलिया यांनी कर्नाटक उच्च न्यायालयाचा निर्णय रद्द केला. तर हेमंत गुप्ता यांनी हिजाबवरील बँक याचिका रद्द केली. अर्थात गुप्ता यांनी हिजाब वरील बंदी योग्य असल्याचे म्हटले आहे.
दरम्यान शैक्षणिक संस्थेमध्ये हिजाब घालण्यावरून कर्नाटकात मोठा वाद झाला होता. त्यामुळेच कर्नाटक सरकारने हिजाब घालण्यास बंदी घातली होती. विद्यार्थिनींनी राज्य सरकारच्या या निर्णयाच्या विरोधात कोर्टामध्ये धाव घेतली. कर्नाटक उच्च न्यायालयाने मुलींची ही याचिका फेटाळून लावली होती. त्यामुळे आता हा वाद थेट सर्वोच्च न्यायालयात सुरू आहे. दरम्यान दोन्हीही न्यायाधीशांचा एकमत होऊ शकलं नाही. त्यामुळेच आता हे प्रकरण सर्वोच्च न्यायालयातील तीन न्यायाधीशांच्या खंडपीठाकडे सोपवण्याचा निर्णय घेण्यात आला आहे.