पुणे- पुणे महापालिकेचे माजी सभागृह नेते, माजी नगरसेवक सुभाष जगताप यांच्यावरील दाखल झालेल्या गुन्ह्याचा निषेध करण्यासाठी जिल्हा मातंग समाजातर्फे निषेध करण्यात आला. पुण्याच्या जिल्हाधिकारी कार्यालयासमोर निदर्शने करण्यात आली.
यावेळी माजी नगरसेवक अविनाश बागवे ,सत्यशोधक बहुजन आघाडीचे संस्थापक सचिन बगाडे, रिपब्लिकन युवा मोर्चाचे नेते राहुल डंबाळे, निलेश वाघमारे पुणे शहर मातंग समाज सचिव संजय केंदले ,मातंग एकता आंदोलनाच्या महिला अध्यक्ष राजश्रीताई अडसूळ, गोविंद साठे यासह पुणे शहरातील विविध दलित , मातंग समाजाच्या संघटनेचे नेते ,पदाधिकारी, महिला व कार्यकर्ते मोठ्या संख्येने उपस्थित होते.
