मुंबई – राज्य मंत्रिमंडळाची आज बैठक होत असून या बैठकीत राज्यातील महत्वाच्या विषयांसह आगामी महापालिका निवडणुकांच्या बाबत ओबीसी आरक्षणासह अन्य प्रमुख मुद्द्यांवर या बैठकीत चर्चा होण्याची शक्यता आहे. मुख्यमंत्री उद्धव ठाकरे व्हीसी द्वारे उपलब्ध राहणार असल्याची माहिती मिळाली आहे.
केंद्र सरकारचा अर्थसंकल्प देखील लवकरच जाहीर होणार असून केंद्राकडून जीएसटीची उर्वरित रक्कम मिळवण्यासाठी देखील या बैठकीत चर्चा होईल असा अंदाज व्यक्त केला जात आहे. या बैठकीत आता काय चर्चा होणार आणि त्याचा राज्याला काय फायदा होणार हे पाहणं महत्त्वाचं ठरेल.