मुंबई : 14 ऑगस्ट रोजी पहाटेच्या सुमारास मुंबई पुणे एक्सप्रेसवेवर शिवसंग्राम पक्षाचे अध्यक्ष विनायक मेटे यांचा अपघात झाला होता. या अपघातामध्ये त्यांचे निधन झाले . हा अपघात होता ,की घातपात असा संशय एकीकडे व्यक्त केला जात असताना , विनायक मेटे यांच्या ड्रायव्हरला योग्य लोकेशन सांगता आले नाही आणि त्यामुळे अपघात स्थळी पोलिसांना पोहोचण्यास विलंब झाला. अशी माहिती देवेंद्र फडणवीस यांनी अधिवेशनामध्ये दिली आहे .
दरम्यान या घटनेच्या पार्श्वभूमीवर शिंदे फडणवीस सरकारने एक मोठा निर्णय घेतला आहे राज्यातील सर्व आमदारांच्या वाहन चालकांना विशेष प्रशिक्षण देण्यात येणार असल्याचं यावेळी फडणवीस यांनी सांगितलं . येत्या 24 ऑगस्ट रोजी वाहन चालकांना मुंबई येथे सकाळी १० ते दुपारी १ वाजेपर्यंत प्रशिक्षण देण्यात येणार आहे . परिणामी भविष्यात अशा घटना घडणे रोखता येईल.
भाजप नेते गोपीनाथ मुंडे यांचा देखील अपघाती मृत्यू झाला होता . त्यामुळे महत्त्वाच्या नेत्यांचा असा अपघाती मृत्यू होणं ,या घटनेची सखोल चौकशी व्हावी अशी मागणी जोर धरत असताना वाहन चालकांच्या विशेष प्रशिक्षणाचा निर्णय राज्य सरकारने घेतला आहे.