मुंबई- राजद्रोहाच्या आरोपाखाली अटक करण्यात आलेल्या खासदार नवनीत राणा आणि त्यांचे आमदार पती रवी राणा यांच्या अडचणी वाढताना दिसत आहेत. मुंबई महापालिकेचे एक पथक राणा यांच्या खार येथील घराची पाहणी करणार आहेत. या घरामध्ये अवैध बांधकाम केल्याचा संशय महापालिकेला आहे. याबाबत आलेल्या तक्रारीवरून मुंबई महापालिकेने नोटीस दिली आहे.
रवी राणा यांच्या मुंबईच्या खारमधील फ्लॅटमध्ये अवैध बांधकाम असल्याचा आरोप करून मुंबई महापालिकेकडून या फ्लॅटचं 4 मे रोजी मोजमाप करण्यात येईल अशी नोटिस पाठवण्यात आली आहे. सोसायटीचे पदाधिकारी आणि उपभोक्ता म्हणून आमदार रवी राणा यांच्या नावे ही नोटिस पाठवण्यात आली आहे.
यांना बीएमसीने नोटीस बजावली आहे. बीएमसीने दिलेल्या नोटीसनुसार, मुंबई बीएमसी खारच्या इमारतीत असलेल्या रवी राणा यांच्या घराची पाहणी करणार आहे. प्रत्यक्षात घराच्या आराखड्यात छेडछाड करून बेकायदा बांधकाम केल्याचा बीएमसीला संशय आहे. अशा स्थितीत अति बांधकाम आणि काही नियमांचे उल्लंघन केल्याच्या तक्रारीवरून बीएमसीने ही तपासणी नोटीस दिली आहे. मात्र राणा दांपत्य गेल्या 10 दिवसापासून तुरुंगात आहेत. त्यामुळे मुंबई महापालिका अधिकाऱ्यांनी त्यांच्या बंद दारावर नोटीस चिकटवली.
आज दुपारी १२ वाजता मुंबई महापालिकेचे पथक राणा यांच्या खार येथील घराची पाहणी करण्यासाठी येणार आहेत.
