परळी : महाराष्ट्र नवनिर्माण सेना प्रमुख राज ठाकरे हे उद्या बीडच्या परळी कोर्टामध्ये हजर राहणार आहेत चितावणीखोर वक्तव्य आणि मनसेच्या कार्यकर्त्यांनी बसवर केलेल्या दगडफेकी प्रकरणी न्यायालयात सातत्याने गैरहजर राहिल्या कारणाने परळी न्यायालयाने राज ठाकरे यांना अजामीनपात्र वॉरंट पाठवले होते. याप्रकरणी जामीन घेण्यासाठी राज ठाकरे उद्या परळी कोर्टात हजर राहणार आहेत.
दरम्यान 2008 मध्ये राज ठाकरे यांना एका प्रकरणांमध्ये मुंबईत अटक करण्यात आली होती या घटनेचे पडसाद परळी मध्ये देखील उमटले होते परळीतील धर्मापुरी पॉईंटवर मनसे कार्यकर्त्यांनी एका बसवर दगडफेक केली होती याप्रकरणी या कार्यकर्त्यांवर आणि मनसे प्रमुख राज ठाकरे यांच्यावर गुन्हा दाखल करण्यात आला होता.
या प्रकरणांमध्ये न्यायालयात तारखेला सतत गैरहजर राहिल्यामुळे राज ठाकरे यांच्या विरोधात असामीन पात्र वॉरंट जारी करण्यात आलं असून यापूर्वी 3 जानेवारी आणि 12 जानेवारीला राज ठाकरे यांना परळी न्यायालयात हजर राहण्यास सांगितले होते दरम्यान आता उद्या राज ठाकरे हे बीडच्या परळी कोर्टात हजर राहणार आहेत.
