अहमदनगर : एकीकडे हर हर महादेव, वेढात मराठे वीर दौडले सात सिनेमात चुकीचा इतिहास दाखवला गेल्यावरुन महाराष्ट्रभर गदारोळ सुरु आहे. अशातच आता आणखी एका नाटकातून चुकीच्या गोष्टी दाखवण्यात आल्याचा आरोप करण्यात आलाय. हा प्रकार अहमदनगरमध्ये राज्य नाट्य स्पर्धेदरम्यान घडला आहे.
मिळालेल्या माहितीनुसार, 61 व्या महाराष्ट्र राज्य नाट्य स्पर्धेदरम्यान नाटकाच्या प्रयोगावेळी चांगलाच राडा झाला. नाटकातील प्रसंगांवर आक्षेप नोंदवत काही जणांनी चक्क नथुराम गोडसे यांच्या समर्थनात नाटक सुरु असताना घोषणाबाजी केली आहे. हा गोंधळ इतका वाढला की अखेर पोलिसांना मध्ये पडावं लागलं. चालू नाटकाचा प्रयोग बंद करण्याचा इशाराही यावेळी देण्यात आला. यामुळे नाट्यगृहात तणावाचं वातावरण निर्मण झाले होते.