पुणे : पुणे शहरात मागील अनेक दिवसांपासून कोयता गँगची अक्षरशः दहशत सुरू असून शहरात कोयत्याचा वापर करुन रस्त्यांवर दहशत माजविण्याचे, लुटालुट करण्याचे प्रकार वाढत आहेत. अशातच आता पुण्यातील एका एका दुकानावर गुन्हे शाखेच्या पथकाने छापा घातला. दुकानातून नवीन विक्रीसाठी ठेवलेले 105 कोयते जप्त केले आहेत.
पुणे पोलिसांच्या युनिट 1 शाखेनं ही कारवाई केली असून गेल्या काही दिवसांपासून पुण्यात कोयत्या गॅंगची दहशत सुरु आहे नागरिक त्रस्त झाले आहेत मागील अनेक दिवसांपासून पुण्यात सुरू असलेली कोयता गँग मोडीत काढण्यासाठी आता पुणे पोलीस ऍक्शन मोडवर आले आहेत.
