पुणे : पुण्यातील मार्केट यार्डमध्ये गोळीबार करत 28 लाख रुपयांची रोकड लुटणाऱ्या सात आरोपींच्या मुसक्या आवळण्यात पुणे पोलिसांना यश आले आहे. मार्केट यार्डमधील अंगडिया व्यावसायिकाच्या कार्यालयात घुसून आरोपींनी एक राऊंड फायरिंग केली. मग बंदुकीचा धाक दाखवत कार्यालयातील 28 लाखाची रोकड लुटत पसार झाले होते. याप्रकरणी पोलीस सीसीटीव्हीच्या आधारे आरोपींचा शोध घेत होते.
या गुन्ह्यातील ७ आरोपींना अटक करण्यात पुणे पोलिसांना यश आले आहे. याविषयी पोलीस आयुक्त अमिताभ गुप्ता यांनी पत्रकार परिषदेमध्ये माहिती दिली आहे.