पुणे : आज पहाटे ०३•०५ वाजता (दिनांक २७•०९•२०२२) नरहे गाव, भैरवनाथ मंदिराजवळ, सोनाई निवास येथे चार मजली इमारत असलेल्या ठिकाणी तळमजल्यावरील घरामधे (हॉल-किचन) घरगुती सिलेंडरमधून वायुगळती झाल्याने स्फोट होत आग लागल्याची घटना घडली. अग्निशमन दलाला वर्दि मिळताच सिहंगड अग्निशमन केंद्राचे वाहन तातडीने घटनास्थळी रवाना झाले.
घटनास्थळी पोहोचताच घरामधील वायुगळती असणारा सिलेंडर प्रथमतः बाहेर काढत जवानांनी पाण्याचा मारा करत गृहपयोगी वस्तुंना लागलेली आग इतरञ पसरु न देता पुर्ण विझवत पुढील धोका टाळला. या घटनेत घराचे मोठे नुकसान झाले.
त्याचवेळी जवानांनी घरातील मोकळे इतर दोन सिलेंडर बाहेर काढले व सुरक्षेच्या कारणास्तव वायुगळती होत असलेला सिलेंडर स्वतच्या ताब्यात घेतला. तसेच अग्निशमन अधिकारी यांना मिळालेल्या माहितीनुसार, दलाची मदत पोहोचण्याआधी घरातील महिला हि आगीमुळे जखमी (भाजली) झाल्याने तिच्या पतीने तिला तातडीने खाजगी रुग्णालयात नेल्याचे समजले.
या कामगिरीत सिंहगड अग्निशमन केंद्र अधिकारी प्रभाकर उम्राटकर, तांडेल पांडुरंग तांबे, वाहन चालक संतोष चौरे व फायरमन नितीन मोकाशी, सतीश डाकवे, संजू चव्हाण तसेच मदतनीस कोकरे, जाधव यांनी सहभाग घेतला.