महाराष्ट्र : 4 ऑगस्ट रोजी मिळालेल्या अधिकृत आदेशानुसार महाराष्ट्र महानगरपालिका अधिनियम आणि त्यातील तरतुदींमध्ये सुधारणा करण्यात आली आहे . दरम्यान पुढील आदेश येईपर्यंत निवडणूक प्रक्रिया थांबवण्याचे निर्देश देण्यात आले आहेत .
महाराष्ट्र महानगरपालिका कायद्यातील नागरी निवडणुकांची संबंधित कलमानमध्ये सुधारणा करण्यासाठी अध्यादेश जारी करण्यात आल्यामुळे सध्याची सुरू असलेली निवडणूक प्रक्रिया रद्द करण्यात आली आहे . त्यामुळे पुढील आदेश येईपर्यंत निवडणूक प्रक्रिया थांबवण्याचे निर्देश राज्य निवडणूक आयोगाने दिले आहेत.
दरम्यान आतापर्यंत केलेली सीमांकन आणि आरक्षणाची प्रक्रिया देखील रद्द करण्यात आली आहे . ही प्रक्रिया पुन्हा नव्याने सुरू करण्यात येईल असे राज्य निवडणूक आयोगाचे सचिव किरण कुरुंदकर यांनी सांगितले आहे.
तरतुदीनुसार 30 लाखांपेक्षा जास्त लोकसंख्या असलेल्या महापालिकेत 161 निवडून आलेले नगरसेवक असतील आणि प्रत्येक 1 लाख लोकसंख्येमागे संख्या वाढणार आहे. त्यानुसार पुणे महानगरपालिकेमध्ये नगरसेवकांचे संख्याबळ 106 असण्याची शक्यता आहे.
