पुणे : आज अखेर कसबा आणि चिंचवड विधानसभा पोटनिवडणुकीसाठी मतदान प्रक्रियेला सुरुवात झाली आहे. अनेक आरोप प्रत्यारोप झाल्यानंतर अखेर आजचे ही मतदान प्रक्रिया शांततेत पार पडावी यासाठी मोठा पोलीस बंदोबस्त तैनात करण्यात आला आहे.
आज सकाळपासूनच दोन्हीही मतदारसंघांमध्ये मतदारांनी हजेरी लावून आपले कर्तव्य बजावले आहे. आत्तापर्यंत कसबा मध्ये 6.5% मतदान पार पडले असून चिंचवड मध्ये 3. 52% टक्के मतदान पार पडले आहे.
दरम्यान कसबा मधून भारतीय जनता पक्षाचे उमेदवार हेमंत रासने तर महाविकास आघाडीचे उमेदवार रवींद्र धंगेकर यांच्यासह हिंदू महासंघाचे आनंद दवे यांच्यामध्ये लढत होते आहे.
तर चिंचवड मतदार संघामध्ये भाजपच्या अश्विनी जगताप राष्ट्रवादीकडून,महाविकास आघाडीचे नाना काटे आणि अपक्ष उमेदवार राहुल कलाटे यांच्यामध्ये तिरंगी लढत होते आहे.
आज दोन्हीही मतदार संघांमध्ये मिळून 510 केंद्रांवर मतदान प्रक्रिया पार पडते आहे. यामध्ये 13 संवेदनशील मतदान केंद्र आहेत. तर आज पाच लाख 68 हजार मतदाता आपला मतदानाचा हक्क बजावणार आहेत.
