नवी दिल्ली- पीएनबी घोटाळ्यात तपास यंत्रणांना मोठे यश मिळाले आहे. सीबीआयच्या सूत्रांकडून मिळालेल्या माहितीनुसार, नीरव मोदीचा खास व्यक्ती असलेल्या सुभाष शंकरला भारतात आणण्यात आले आहे. सुभाष शंकर हे कोट्यवधी रुपयांच्या पीएमबी घोटाळ्यातील आरोपी होते. त्याला काही वेळापूर्वी इजिप्तमधील कैरो येथून विशेष विमानाने मुंबईत आणण्यात आले आहे.
नीरव मोदी आणि मेहुल चोक्सीच्या काळात 49 वर्षीय सुभाष शंकर परब 2018 मध्ये भारतातून पळून गेला होता. सुभाष हा नीरव मोदीचा जवळचा माणूस आहे. त्याला कैरोहून मुंबईत आणण्यात आले असून आता सीबीआयने त्याला अटक केली आहे. त्याला मुंबईतील न्यायालयात हजर करून ताब्यात घेऊन पीएनबी घोटाळ्याप्रकरणी त्याची चौकशी करण्यात येणार आहे. सुभाष हा नीरव मोदीच्या कंपनीत डीजीएम फायनान्स म्हणून काम करत होता.
नीरव मोदी के खास शख्स सुभाष शंकर को भारत लाया गया। करोड़ो के पीएनबी घोटाले में था शामिल। थोड़ी देर पहले काइरो से मुम्बई लाया गया। स्पेशल विमान के जरिए इजिप्ट के पास काइरो से। ब्रेक सीबीआई सूत्र। @indiatvnews @IndiaTVHindi #CBI #pnbscam pic.twitter.com/UDcMvQmoWR
— Abhay parashar (@abhayparashar) April 12, 2022
काय होता पीएनबी घोटाळा ?
– उद्योगपती नीरव मोदी आणि त्याच्या सहकाऱ्यांनी 2011 मध्ये पंजाब नॅशनल बँकेच्या शाखेशी संपर्क साधून न कापलेले हिरे आयात करण्यासाठी क्रेडिट सुविधा मिळवली.
– सामान्यतः, बँक परदेशातून आयातीच्या पेमेंटसाठी क्रेडिट लाइन जारी करते. यामध्ये बँक पुरवठादाराला पैसे देते. कर्ज घेतल्यानंतर नीरव मोदीला ९० दिवसांनी पैसे परत करायचे होते.
– मात्र, पंजाब नॅशनल बँकेच्या काही कर्मचाऱ्यांनी नीरव मोदीच्या कंपन्यांना कर्जाची बनावट पत्रे दिली आणि व्यवस्थापनाला याबाबत अंधारात ठेवले.
कटाचा एक भाग म्हणून, बँक कर्मचार्यांनी आंतरबँक मेसेजिंग सिस्टममध्ये प्रवेशाचा फायदा घेतला. जेणेकरून भारतीय बँकांच्या विदेशी शाखांना नीरव मोदीचा संशय येऊ नये आणि नीरव मोदीच्या कंपन्यांना फॉरेक्स क्रेडिट जारी केले.
– क्रेडिट लाइन मॅच्युअर झाल्यावर, फसवणुकीत गुंतलेल्या बँकेच्या कर्मचार्यांनी 7 वर्षांसाठी कर्जाचा पुनर्वापर करण्यासाठी दुसऱ्या बँकेचे पैसे वापरले.
जुन्या कर्मचाऱ्यांच्या निवृत्तीनंतर त्यांच्या जागी आलेल्या नवीन कर्मचाऱ्यांनी ही चूक पकडली आणि या घोटाळ्याची चौकशी सुरू झाली.
तपास चुकवण्यासाठी नीरव मोदी देशातून पळून गेला. सरकारच्या प्रयत्नांमुळे 2019 मध्ये त्याला लंडनमध्ये अटक करण्यात आली.