पुणे:जनतेचे प्रश्न संसदेत ठामपणे मांडण्यासाठीच जनता आपल्याला निवडून देत असते.याच विचारातून राष्ट्रवादी काँग्रेसच्या नेत्या खासदार सुप्रिया सुळे यांनी एक अभिनव उपक्रम सुरू केला आहे.या उपक्रमाच्या माध्यमातून केवळ एका क्लिकवर नागरिकांना आपले प्रश्न थेट संसदेत मांडता येणार आहेत.
सक्रिय सहभाग आणि संवाद,लोकाभिमुख संसदीय कामकाजासाठी सुप्रिया सुळे यांनी हा अभिनव उपक्रम सुरू केला आहे.या अंतर्गत नागरिकांना आपले प्रश्न,विषय,सूचना https://ask me.supriyasule.net या वेबसाईटच्या माध्यमातून थेट सुप्रिया सुळे यांच्यापर्यंत पाठवता येणार आहेत.
वेबसाईट ओपन केल्यानंतर नागरिकांना एक फॉर्म भरावा लागतो.यामध्ये आपली माहिती आणि प्रश्न स्पष्टपणे लिहिल्यानंतर हे प्रश्न थेट सुप्रिया सुळे यांच्यापर्यंत पोहोचला असल्याचा एक एसएमएस देखील नागरिकांना मिळणार आहे.यामध्ये नागरिक आणि स्वयंसेवी संस्था आपले प्रश्न विचारू शकतात.”त्यातील महत्त्वाचे मुद्दे,सूचना मी संसदेत मांडण्याचा प्रयत्न करेन.या थेट संवादाला आणखी मजबूत करण्यासाठी नागरिकांच्या अन्य काही सूचना असतील तर त्यांचेही स्वागत आहे”असे खासदार सुप्रिया सुळे म्हणाल्या आहेत
![](https://www.topnewsmarathi.com/wp-content/uploads/2022/05/Supriya-sule.jpg)