महाराष्ट्र : ओला ,उबेर या प्रवासी वाहतूक करणाऱ्या वाहनांच्या तात्पुरत्या परवान्याचा स्टेटस को सर्वोच्च न्यायालयाने हटवला आहे. त्यामुळे आता येत्या 20 एप्रिल 2023 पर्यंत पक्का परवाना ओला, उबेर या प्रवासी वाहतूक करणाऱ्या कंपन्यांना घ्यावा लागणार आहे. असे आदेश सर्वोच्च न्यायालयाने दिले आहेत.
गेल्याच आठवड्यात सुप्रीम कोर्टाने रॅपिडच्या सुनावणी वेळी प्रवासी वाहतुकीसाठी वैध परवाना आवश्यक असल्याचे म्हटलं होतं. त्याचवेळी प्रवासी वाहतुकीचा वैध परवाना नसल्यामुळे सर्वोच्च न्यायालयाने रॅपिडोची याचिका फेटाळून लावली होती.
यावेळी ओला, उबेरला असलेल्या तात्पुरत्या परवान्यांबाबत देण्यात आलेल्या स्टेटस को बद्दल माहिती देऊन रॅपिडोला देखील प्रवासी वाहतूक करण्यास परवानगी द्यावी, अशी मागणी केली होती. परंतु स्टेटस को ची 31 मार्च रोजी एक महिन्याभरापूर्वीच परवानगी देण्यात आली असल्याच सांगून यापुढे प्रवासी वाहतूक करायची असेल तर पक्का परवाना बंधनकारक असल्याचं नमूद केलं आहे.
