नवी दिल्ली- देशभरातील वैद्यकीय महाविद्यालयांमध्ये पदवी अभ्यासक्रमाच्या प्रवेशासाठी राष्ट्रीय पात्रता प्रवेश (NEET UG 2022) नोंदणीची अंतिम तारीख पुढे ढकलण्यात आलेली आहे. ही तारीख 15 मे वरून 20 मे 2022 करण्यात आलेली आहे.
नॅशनल टेस्टिंग एजन्सी (NTA) तर्फे ही परीक्षा घेतली जाते. विद्यार्थ्यांसाठी ही आनंदाची बातमी असून अद्याप नोंदणी न केलेल्या विद्यार्थ्यांनी त्वरित neet.nta.nic.in अधिकृत वेबसाईटला भेट देऊन स्वत:ची नोंदणी करू शकता. यावेळी एनईईटी यूजी 17 जुलै 2022 रोजी होणार आहे. यापूर्वी, एनईईटी यूजीसाठी नोंदणीची अंतिम तारीख 6 मे होती, जी 15 मे पर्यंत वाढवण्याचा निर्णय घेण्यात आला होता. आता हीच तारीख 20 मे २०२२ रात्री 9 वाजेपर्यंत करण्यात आलेली आहे. त्याचबरोबर या परीक्षेसाठी अर्ज शुल्क भरण्याची मुदत 20 मे 2022 च्या रात्री 11.50 पर्यंत आहे. देशातील विविध शहरांमध्ये ऑफलाइन पद्धतीने ही परीक्षा घेण्यात येणार आहे.
अशी नोंदणी करा
सर्वप्रथम उमेदवारांना neet.nta.nic.in अधिकृत संकेतस्थळाला भेट द्यावी लागणार आहे.
वेबसाइटच्या होम पेजवर त्यांना एनईईटी यूजी 2022 च्या नोंदणीची लिंक मिळेल, ज्यावर क्लिक करावे लागेल.
आता तुमच्यासमोर नोंदणी करण्याचा पर्याय उपलब्ध असेल. त्यावर तुम्ही तपशील टाका. यानंतर लॉग इन करण्यासाठी पासवर्ड आणि रजिस्ट्रेशन नंबर मिळेल.
आता तुमच्या क्रेडेन्शियल्समधून लॉग इन करा आणि नंतर अर्ज भरा. त्यानंतर आवश्यक ती कागदपत्रे अपलोड करा.
शेवटी अर्ज शुल्क जमा करा आणि फॉर्म फायनल सबमिट करा. त्याची प्रिंट काढून सोबत ठेवा.
