पुणे : शनिवार , रविवार आणि 15 ऑगस्ट अशा सलग सुट्ट्या आल्यामुळे नोकरदार वर्गाने फिरायला जाण्याचा प्लॅन नक्कीच केला असणार आहे . कुटुंबासोबत निवांत वेळ घालवण्याचा तुम्ही देखील प्लॅन करत असाल ,तर एकदा मुंबई पुणे एक्सप्रेसवर असणारी ही ट्रॅफिक जाम नक्कीच पहा … आणि थोडा अंदाज घेऊनच बाहेर पडा .
तर झालं असं आहे की , सलग सुट्ट्यांमुळे मुंबई पुणे एक्सप्रेस हायवेवर मोठ्या प्रमाणावर वाहनांच्या लांबच लांब रांगा लागल्या आहेत . सामान्यतः या एक्सप्रेस वेवर अंतर पार करण्यासाठी जेवढा वेळ लागतो त्याहून चौपट वेळ सध्या लागतो आहे . तर खालापूर टोलनाक्याजवळ अडीच ते तीन किलोमीटर लांब पर्यंत वाहनांच्या रांगा लागल्या आहेत .
त्यामुळे सलग सुट्टी आली आहे म्हणून लोणावळा ,खंडाळा ,महाबळेश्वर अशा कुठेही जाण्याचा तुम्ही प्लॅन करत असाल तर तुम्हाला वाहतूक कोंडीचा त्रास सहन करावा लागू शकतो.