मुंबई- उकाड्याने हैराण झालेल्या मुंबईकरांना लवकरच त्यामधून सुटका मिळणार आहे. यंदा मान्सूनची आगेकूच समाधानकारक असून मुंबई आणि पश्चिम किनारपट्टीवर पुढील महिन्याच्या पहिल्या आणि दुसऱ्या आठवड्यात मान्सून धडकणार आहे.
हवामान विभागाचे अधिकारी के. एस. होसाळीकर यांनी दिलेल्या माहितीनुसार, आयएमडीने चार आठवड्यांचा मान्सून पावसाच्या आगमनाचा चार्ट जारी केला आहे, त्यानुसार मुंबई आणि महाराष्ट्राच्या पश्चिम किनारपट्टीवरील इतर भागात ३ ते ९ जून दरम्यान मान्सूनचे आगमन होईल. केरळमधील मान्सूनच्या आगमनाआधारे हा अंदाज वर्तवण्यात आला आहे. देशाच्या नैऋत्य भागात मान्सून आल्यानंतर त्याआधारे देशाच्या उर्वरित भागाचा अंदाज निश्चित केला जातो.
मुंबईकरांना यंदा उकाड्यापासून लवकर दिलासा मिळणार आहे. कारण, यंदा मुंबईत मान्सून लवकर धडकणार आहे. पुढील महिन्याच्या पहिल्या आणि दुसऱ्या आठवड्यात मान्सून मुंबईत दाखल होण्याची शक्यता आहे, असे भारतीय हवामान खात्याने म्हटले आहे. देशाच्या नैऋत्य भागात मान्सून आल्यानंतर त्याआधारे देशाच्या उर्वरित भागाचा अंदाज निश्चित केला जातो.
IMD ने 27 मे चा केरळला नैऋत्य मोसमी पावसाचा अंदाज दिला आहे. (+/- 4 days error).आज जारी केलेल्या 4 आठवड्यांच्या पावसाच्या अंदाजानुसार, दुस-या,तिस-या आठवड्यात (कृपया ग्राफिक्स पहा) पश्चिम किनार्‍यावर पावसाचा जोर असेल.केरळला सुरुवात झाल्यानंतर,पुढचा अंदाज परिस्थितीनुसार दिला जातो. pic.twitter.com/vAcBImkmXm
— K S Hosalikar (@Hosalikar_KS) May 19, 2022
केरळ आणि उर्वरित नैऋत्य भागात २० मे पासून मुसळधार पाऊस सुरू होणार असल्याचं सांगितलं गेलं आहे. मुंबई आणि इतर पश्चिम किनारपट्टी भागांमध्ये मान्सूनपूर्व सरींच्या आगमनानुसार ३ जून किंवा त्यानंतर हा पाऊस हळूहळू पश्चिम किनार्‍याकडे जाण्याची अपेक्षा आहे. या पावसाची तीव्रता १० ते १६ जूनपर्यंत वाढेल, ज्यामुळे मुंबई आणि देशातील बहुतांश भाग मान्सूनच्या पट्ट्यात येईल.
