नवी दिल्ली- महागाईने देशात उच्चांक गाठला असून त्यामध्ये आता घरगुती गॅसच्या दरवाढीने भर पडली आहे. घरगुती एलपीजी सिलेंडर 3 रुपये 50 पैशांनी तर व्यावसायिक गॅस सिलेंडर 8 रुपयांनी महागला आहे. त्यामुळे संपूर्ण देशभरात घरगुती एलपीजी सिलेंडरच्या किमती एक हजार रुपयांच्या वर पोहोचल्या आहेत.
दिल्ली आणि मुंबईमध्ये 14.2 किलोंचा घरगुती एलपीजी सिलेंडर 1003 रुपयांना मिळणार आहे. गेल्या एका वर्षात दिल्लीत घरगुती एलपीजी सिलिंडर 809 रुपयांवरून 1003 रुपयांवर गेला आहे. आज, एलपीजीची किंमत कोलकातामध्ये 1029 रुपये आणि चेन्नईमध्ये 1018.5 रुपयांवर पोहोचली आहे. ज्यामुळे सर्वसामान्यांच्या खिशाला कात्री बसणार आहे. घरगुती सिलेंडरच्या दरांत केवळ 12 दिवसांत झालेली ही दुसऱ्यांदा दरवाढ आहे. यापूर्वी 7 मे 2022 रोजी घरगुती एलपीजी सिलेंडरच्या किमतींमध्ये वाढ झाली होती.
देशातील प्रमुख शहरांतील घरगुती एलपीजी सिलेंडरचे दर (14.2 किलोग्राम)
मुंबई 1002.50 रुपये प्रति सिलेंडर
दिल्ली 1003 रुपये प्रति सिलेंडर
कोलकाता 1029 रुपये प्रति सिलेंडर
चेन्नई 1018.50 रुपये प्रति सिलेंडर
देशातील प्रमुख शहरांतील व्यावसायिक एलपीजी सिलेंडरचे दर
मुंबई 2306 रुपये प्रति सिलेंडर
दिल्ली 2354 रुपये प्रति सिलेंडर
कोलकाता 2454 रुपये प्रति सिलेंडर
चेन्नई 2507 रुपये प्रति सिलेंडर