नवी दिल्ली- सततच्या वाढत्या महागाईमुळे सर्वसामान्य जनता मेटाकुटीला आली आहे. आधीच महागाईने हैराण झालेल्या सामान्यांना आणखी एक झटका बसला आहे. घरगुती गॅस सिलिंडरच्या दरात 50 रुपयांची वाढ करण्यात आली आहे. आता घरगुती सिलिंडर घेण्यासाठी ग्राहकांना तब्बल एक हजार रुपये मोजावे लागणार आहेत.
देशातील महागाई दिवसेंदिवस वाढताना पाहायला मिळत आहे. भाज्यापासून तेलापर्यंत सर्वच वस्तूंच्या किंमती दिवसागणिक वाढत आहे. अशात पुन्हा एकदा महागाईची झळ बसणार आहे. आजपासून 14.2 किलोच्या घरगुती एलपीजी सिलेंडरच्या किंमतीत 50 रुपयांनी वाढ करण्यात आली आहे. एलपीजी गॅसची किंमत वाढल्यामुळे आता सर्वसामान्यांच्या खिशावर ताण वाढणार आणि गृहिणींचे आर्थिक बजेट कोलमडणार आहे.
आधीच पेट्रोल-डिझेलच्या दरवाढीचा फटका सर्वसामान्यांना बसत होता. त्यात आता भर म्हणून एलपीजी गॅस सिलेंडरचे दर देखील वाढले आहे. त्यामुळे आता सर्वसामान्य जनता आणखी त्रस्त झाली आहे.
घरगुती गॅस सिलेंडरच्या (Domestic LPG Cylinder Price) दरात 50 रुपयांनी वाढ झाली आहे. यामुळे सर्वसामान्यांच्या खिशाला कात्री लागणार आहे. आजपासून 14.2 किलोच्या घरगुती एलपीजी सिलेंडरच्या किंमतीत 50 रुपयांनी वाढ करण्यात आली आहे. घरगुती एलपीजी सिलेंडरची नवीन किंमत आता प्रति सिलेंडर 999.50 रुपये असेल. आजपासून एलपीजी सिलेंडरची वाढलेली नवी किंमत संपूर्ण देशभरात लागू करण्यात आली आहे. पेट्रोल आणि डिझेलच्या महागाईचा फटका सर्वसामान्य नागरिकांना सोसावा लागत असतानाच एलपीजी सिलेंडरच्या किंमतीही वाढल्या आहेत.
याआधी 22 मार्च रोजी घरगुती एलपीजी गॅस सिलेंडरच्या दरामध्ये प्रति सिलेंडर 50 रुपयांनी वाढ करण्यात आली होती. या दरवाढीनंतर दिल्लीत अनुदानित 14.2 किलो एलपीजी गॅस सिलेंडरची किंमत 949.50 रुपयांवर पोहोचली होती. आता पुन्हा एकदा महागाईने जनता होरपळली आहे. आता घरगुती गॅस सिलेंडरचे दर 50 रुपयांनी वाढल्यानंतर घरगुती एलपीजी गॅस सिलेंडरची किंमत 999.50 रुपयांवर पोहोचली आहे.