चिंचवड : पुण्यातील कसबा पेठ विधानसभा मतदारसंघाच्या आमदार मुक्ता टिळक आणि चिंचवड विधानसभा मतदारसंघाचे आमदार लक्ष्मण जगताप यांचे निधन झाल्याने या दोन मतदारसंघात 27 फेब्रुवारीला पोटनिवडणूक होते आहे. दरम्यान भाजपकडून या दोन्ही जागांवर टिळक आणि जगताप यांच्या परिवारातूनच कुणाला तरी संधी दिली जाण्याची शक्यता आहे.
दिवंगत आमदार लक्ष्मण जगताप यांचे 3 जानेवारी रोजी दीर्घ आजाराने निधन झाले. त्यामुळे चिंचवड विधानसभा मतदारसंघात पोटनिवडणूक जाहीर झाली असून 27 फेब्रुवारी रोजी मतदान होणार आहे तर 2 मार्च रोजी मतमोजणी होणार आहे. दरम्यान, विधानसभा पोटनिवडणुकीत लक्ष्मण जगताप यांचे बंधू शंकर जगताप यांना उमेदवारी मिळण्याची शक्यता आहे.
विधानसभा पोटनिवडणुकीत लक्ष्मण जगताप यांचे बंधू शंकर जगताप यांना उमेदवारी मिळण्याची शक्यता आहे.दिवंगत आमदार लक्ष्मण जगताप यांच्या पत्नी अश्विनी जगताप यांना उमेदवारी दिल्यास चिंचवड विधानसभा पोटनिवडणूक बिनविरोध होऊ शकते असे देखील जाणकारांचे मत आहे. मुक्ता टिळक यांचे पती शैलेश टिळक यांनी घरातील एकाला उमेदवारी मिळावी, अशी इच्छा व्यक्त केली आहे. मात्र हा निर्णय पक्षश्रेष्ठी घेत असतात. त्यांचा निर्णय अंतिम असेल, असंही ते म्हणाले आहेत. तसेच महापालिकेचे माजी स्थायी समितीचे अध्यक्ष हेमंत रासने, पालिकेतील भाजपचे गटनेते गणेश बिडकर, खासदार गिरीश बापट यांच्या सुन स्वरदा बापट, नगरसेवक धीरज घाटे असे अनेकजण या उमेदवारीसाठी इच्छुक आहेत.