मुंबई : मालाडमध्ये नुकताच एक अचंबित करणारा प्रकार घडलाय. अंडरवर्ल्ड डॉन छोटा राजन यांच्या वाढदिवसानिमित्त मुंबईच्या मलाड परिसरामध्ये कबड्डी स्पर्धेचे आयोजन करण्यात आलं होतं. एवढेच नाही तर कबड्डी स्पर्धेचे आणि छोटा राजांच्या वाढदिवसानिमित्तचे बॅनर मलाड परिसरामध्ये झळकत होते. या सह या बॅनरवर छोटा राजन याचा ‘आधारस्तंभ’ असा उल्लेख देखील करण्यात आला होता.
याप्रकरणी कुरार पोलिसांनी हे बॅनर उतरवून बॅनर लावणाऱ्या सहा व्यक्तींच्या विरोधात महाराष्ट्र मालमत्ता विद्रोपीकरण प्रतिबंधक कायद्याअंतर्गत गुन्हा दाखल केला आहे. तसेच आयोजकांसह इतरांवर गुन्हे दाखल करून काहींना ताब्यात देखील करण्यात आली आहे.
2015 मध्ये छोटा राजन याला बालीतून अटक करण्यात आली होती. 2018 ला त्याला जन्मठेपेची शिक्षा सुनावण्यात आली आहे. सध्या छोटा राजन हा तिहार तुरुंगामध्ये आहे.