नवी दिल्ली – देशातील सर्वात मोठ्या असलेल्या जिओ टेलिकॉम कंपनीने आपल्या ग्राहकांसाठी भन्नाट ऑफर दिली आहे. कंपनीने दररोज ३ जीबी डेटा ऑफर करणारा वर्षभराचा प्लान उपलब्ध करून दिला आहे. या प्लानची किंमत ४,१९९ रुपये असून हा कंपनीचा सर्वात महागडा प्लान आहे. या प्रीपेड प्लानविषयी सविस्तर जाणून घेऊया.
जिओ ही देशातील सर्वात मोठी टेलिकॉम कंपनी आहे. कंपनीकडे अगदी १५ दिवसांपासून ते ३६५ दिवसांच्या वैधतेसह येणारे शानदार प्लान्स उपलब्ध आहे. तुम्ही जर दररोज जास्त डेटा वापरत असाल तर दररोज ३ जीबी डेटा ऑफर करणारा प्लान नक्कीच तुमच्यासाठी फायद्याचा ठरेल.
रिलायन्स जिओ चा ४,१९९ रुपयांचा प्रीपेड प्लान
या प्लानची वैधता १ वर्ष म्हणजेच ३६५ दिवस आहे. यामध्ये यूजर्सला दररोज ३ जीबी डेटा याप्रमाणे एकूण १०९५ जीबी डेटा दिला जातो. दररोज मिळणारा हाय-स्पीड डेटा समाप्त झाल्यास तुम्ही ६४ Kbps च्या स्पीडने इंटरनेट वापरू शकता. रिलायन्स जिओच्या या प्रीपेड प्लानमध्ये दररोज १०० एसएमएसची सुविधा मिळते. यात देशभरातील सर्व नेटवर्कवर अनलिमिटेड वॉइस कॉलिंगचा फायदा मिळतो. याशिवाय, या प्लानमध्ये अतिरिक्त बेनिफिट्स देखील दिले जात आहे. यात १ वर्षासाठी डिज्नी+ हॉटस्टारचे मोफत सबस्क्रिप्शन दिले जाते. याशिवाय, जिओ टीव्ही, जिओ सिनेमा, जिओ सिक्योरिटी आणि जिओ क्लाउड सारख्या जिओ अ‍ॅप्सचा मोफत अ‍ॅक्सेस देखील मिळतो.
Disney+Hotstar Premium Subsription ला असे करू शकता अ‍ॅक्टिव्हेट
सर्वात प्रथम https://www.hotstar.com/in/subscribe/promo वर जा.
त्यानंतर तुमच्या जिओ नंबरने साइन इन करून ओटीपी व्हेरिफाय करा.
आता MyJio अकाउंटमध्ये दिलेल्या डिज्नी+ हॉटस्टार प्रीमियम कोडला एंटर करा.
पुढे कन्फर्म केल्यानंतर तुमचे Disney+Hotstar Premium Subsription सुरू होईल.
