पुणे : पुण्यातील सिंहगड रोडवर एक अजब घटना घडली आहे. खरंतर या प्रकरणातील अवघ्या 23 वर्षीय आरोपीकडे गावठी कट्टा असणे हि धक्कादायक गोष्ट आहे. परंतु या प्रकरणी सिंहगड रोड पोलिसांनी सुरज मुंडे या 23 वर्षीय आरोपीला ताब्यात घेतलं आहे.
मिळालेल्या सविस्तर माहितीनुसार, सोमवारी दुपारी दोघे जण सिंहगड रोडवरील वडगाव बुद्रुक येथे असलेल्या फुल परी स्वीट मॉल या दुकानात गेले. तिथे त्यांनी एक किलो काजूकतली खरेदी केली. दुकानदाराने काजुकतलीचे पैसे मागितले असता त्यांनी पैसे देण्यास नकार दिला आणि थेट त्यांच्याजवळ असलेले पिस्तूल दुकानदारावर रोखले आणि चार राऊंड फायर देखील केले. नशिबाने त्यातून एकही गोळी फायर झाले नाही. त्यानंतर यातील प्रमुख आरोपीने हातातील पिस्तूल खाली घेऊन त्याचा ट्रिगर ओढला त्याबद्दल त्यातून एक गोळी खाली पडली.
या घटनेने परिसरात एकच गोंधळ उडाला. जमावाला पाहून या दोन्ही आरोपांनी तिथून पोबारा केला. सिंहगड रोड पोलिसांनी घटनास्थळी जाऊन पंचनामा केला. सीसीटीव्ही मधील फुटेच्या आधारे हे पिस्तूल खरे असल्याचे स्पष्ट झाल्यानंतर पोलिसांनी तातडीने या आरोपींना ताब्यात घेतला आहे.