पुणे : काल मनसे नेते वसंत मोरे यांच्या मुलाला जीवे मारण्याची धमकी देणारा संदेश पाठवण्यात आला होता. यामध्ये रुपेश मोरे यांचा विवाह एका मुस्लिम मुली सोबत झाला असून विवाह सर्टिफिकेट बनवले असल्याच या मेसेजमध्ये म्हटलं होतं. तर तीस लाख रुपयांची खंडणी मागितली होती. ही खंडणी दिली नाही तर रेप केसमध्ये अडकवण्याची भीती देखील घालण्यात आली होती.
दरम्यान या प्रकरणी भारती विद्यापीठ पोलीस स्थानकात गुन्हा दाखल करण्यात आला होता. याप्रकरणी पोलिसांनी तातडीने कारवाई करून मुंबईतून एकाला ताब्यात घेतले आहे. पोलीस अधिक तपास करत असून यामध्ये अधिक जण देखील असल्याचा पोलिसांनी संशय व्यक्त केला आहे.
यापूर्वी रुपेश मोरे याला जीवे मारण्याचे धमकी देण्यात आली होती. अज्ञात व्यक्तीने मोरे यांच्या कारवर एक चिठ्ठी सोडली होती. या चिठ्ठी मध्ये सावध रहा रुपेश असा मजकूर लिहिण्यात आला होता. आता पुन्हा दुसऱ्यांदा ही अशी धमकी रुपेश मोरे यांना दिली होती. पुणे पोलिसांनी यावर तातडीने कारवाई करून यातील एका आरोपीला गजाआड केले आहे.
