पाटणा: भाजपशी फारकत घेतल्यानंतर जेडीयूने पुन्हा राजदशी संसार थाटलाय आणि जेडीयूचे नितीश कुमार यांनी आज आठव्यांदा बिहारच्या मुख्यमंत्रिपदाची शपथ घेतली.
21 महिन्यांपूर्वीच नितीशकुमार यांनी भाजपसोबत सरकार स्थापन केलं होतं. त्यावेळी मुख्यमंत्रिपदाची शपथ घेतली होती. मागील 17 वर्षांमध्ये तब्बल आठव्यांदा नितीशकुमार यांनी मुख्यमंत्रिपदाची शपथ घेतली आहे, हा बिहारमध्ये एका प्रकारे वेगळाच रेकॉर्ड आहे.
नितीशकुमार यांच्यासोबत आरजेडी नेता आणि लालू प्रसाद यादव यांचा मुलगा तेजस्वी यादव यांनी सुद्धा उपमुख्यमंत्रिपदाची शपथ घेतली आहे.
सलग आठव्यांदा मुख्यमंत्री पदाची शपथ घेतल्या नितीशकुमार यांचा राजकीय प्रवास
- ११ मार्च १९५१ रोजी बिहारमधील बख्तियारपूरमध्ये नितीश कुमार यांचा जन्म झाला. १९७२ मध्ये त्यांनी पटनामधील एका कॉलेजमधून मॅकेनिकल इंजिनिअरिंगची पदवी मिळवली. त्यानंतर बिहार वीज महामंडळामध्ये कर्मचारी म्हणून काही काळ नोकरी केली
- १९७४ मध्ये जयप्रकाश नारायण यांच्या नेतृत्वात इंदिरा गांधी सरकारविरोधात आंदोलनात नितीश कुमार यांनी सहभाग घेतला होता.
- ६९ वर्षीय नितीश कुमार यांनी आपल्या राजकीय प्रवासात अनेक चढ-उतार पाहिले आहेत. त्यांच्या राजकीय प्रवासाची सुरुवात १९७७ मध्ये झाली.
- जनता दल पार्टीकडून १९७७ मध्ये नितीश कुमार पहिल्यांदा विधानसभा निवडणूकीत उतरले.
- १९९० मध्ये नितीश कुमार यांना पहिल्यांदाच मंत्रीमंडळात स्थान मिळालं होतं. त्यांच्याकडे कृषी राज्य मंत्रीपद सोपवण्यात आलं होतं. त्यानंतर रेल्वे मंत्रालय आणि कृषी मंत्रालयाची जबाबदारीही त्यांना सांभाळली आहे.
- २००० मध्ये नितीश कुमार पहिल्यांदा मुख्यमंत्री झाले होते. त्यांचा कार्यकाळ फक्त सात दिवसांचा होता.
- आपल्या वर्षांच्या राजकीय कारकीर्दीत नितीश कुमार यांनी तब्बल पाच वेळा आपले राजकीय भूमिका बदलल्यामुळे बिहारच्या राजकारणातले पलटूराम म्हणून देखील त्यांच्यावर विरोधक टीका करत असतात तर बिहार निवडणुकांच्या वेळेस नितीश कुमार सबके है अशा आशयाचे फलक देखील बिहारमध्ये लागले होते.
