अहमदाबाद- गुजरातमधील पाटीदार नेता हार्दिक पटेल याने काँग्रेसला सोडचिठ्ठी देत भाजपमध्ये जाहीर प्रवेश केला आहे. गांधीनगर येथील भाजप मुख्यालयात प्रदेशाध्यक्ष सीआर पाटील यांनी त्यांना पक्षाचे सदस्यत्व बहाल केले आहे. भाजपमध्ये प्रवेश केल्यानंतर हार्दिक पटेल म्हणाले की, आता तो देशहित आणि राज्यहिताच्या दृष्टीने आपल्या राजकीय प्रवासाची नवी सुरुवात करणार आहे.
हार्दिक पटेल यांच्याबरोबर पाटीदार आंदोलनात त्यांचे सहकारी असलेले अनेक नेते आणि त्यांच्या समर्थकांनी भाजपमध्ये प्रवेश केला आहे. यावेळी माजी उपमुख्यमंत्री नितीन पटेल यांच्यासह अनेक ज्येष्ठ नेते उपस्थित होते.
पक्षात येण्यापूर्वी हार्दिक पटेल म्हणाले की, समाज आणि देशाच्या हितासाठी मोदीजींसोबत छोटा सैनिक बनून मला मोदीजींसोबत काम करायचे आहे. पंतप्रधान नरेंद्र मोदी हे जगाची शान आहेत. राष्ट्रहित, राज्यहित, जनहित आणि समाजहिताच्या या उदात्त कार्यात पुढे जाण्यासाठी नेतृत्वाखाली सुरू असलेल्या राष्ट्रसेवेच्या कार्यात छोटा सैनिक म्हणून काम करून नवीन अध्याय सुरू करू, असे पटेल म्हणाले.
राष्ट्रहित, प्रदेशहित, जनहित एवं समाज हित की भावनाओं के साथ आज से नए अध्याय का प्रारंभ करने जा रहा हूँ। भारत के यशस्वी प्रधानमंत्री श्री नरेन्द्र भाई मोदी जी के नेतृत्व में चल रहे राष्ट्र सेवा के भगीरथ कार्य में छोटा सा सिपाही बनकर काम करूँगा।
— Hardik Patel ( Modi Ka Parivar ) (@HardikPatel_) June 2, 2022
पदाच्या लालसेपोटी मी कुठेही कोणतीही मागणी केलेली नाही, असेही हार्दिक म्हणाला. येत्या काही दिवसांत काँग्रेसमधील आणखी काही नेते भाजपमध्ये जाण्याच्या शक्यतेवर हार्दिक पटेल म्हणाले की, लवकरच दर 10 दिवसांनी एक कार्यक्रम घेऊन काँग्रेस पक्षावर नाराज आमदार, जिल्हा पंचायत किंवा तहसील पंचायत सदस्य, महानगरपालिकेचे सदस्य यांना भाजपमध्ये सहभागी करून घेणार आहे. मी काँग्रेसही काम मागून सोडली आणि भाजपमध्येही कामाच्या व्याख्येत सामील होत आहे. कमकुवत लोक स्थानाबद्दल चिंता करतात. बलवान लोक कधीही स्थानाची चिंता करत नाहीत.असे हार्दिक पटेल म्हणाले.
दरम्यान, हार्दिक पटेल आगामी विधानसभा निवडणूकही लढवू शकतात, असे गुजरातच्या राजकीय वर्तुळात बोलले जात आहे. त्यासाठी त्यांना सौराष्ट्रातील मोरबी किंवा अहमदाबाद जिल्ह्यातील त्यांच्या मूळ गावी विरमगाम मतदारसंघातून उमेदवारी देण्याची शक्यता वर्तवली जात आहे.
