पिंपरी-चिंचवड : पिंपरी-चिंचवडमध्ये दत्तक मुलाचा छळ करून त्यास आत्महत्या करण्यास प्रवृत केल्याप्रकरणी आई-वडंलासह अन्य दोघांवर गुन्हा दाखल करण्यात आलाय.
अन्वर हुसैन हबीब शेख यांनी हिदायत अन्वर हुसेन शेख यास दत्तक घेतलं होतं. दत्तक घेतल्यानंतर त्यास सातवी पर्यंत शिकवलं आणि त्यानंतर स्वतःच्या दुकानात काम करण्यास भाग पाडलं. आरोपीनं कोणत्याही प्रकारचा कामाचा मोबदला कधीही दिला नसल्याचा तसेच त्याचा मानसिक व शारीरिक छळ केल्याचा आरोप फिर्यादीनं केला आहे.
दरम्यान, हिदायत यानं आपल्या आई-वडलांच्या जाचाला कंटाळून विष प्राशन करून आत्महत्या करण्याचा प्रयत्न केला. मात्र त्यात तो सुदैवानं तो बचावला. हिदायत शेख याच्या फिर्यादीवरून पिंपरी पोलिसांनी अन्वर हुसैन हबीब शेख ,अन्वर अन्सारी तसेच त्याची आई व अन्य एका महिले विरोधात आत्महत्या करण्यास प्रवृत्त केल्याप्रकरणी गुन्हा दाखल केलाय.
