पुणे : सध्या कर्वे रोडवरील मेट्रो मार्ग सुरू आहे. अर्थात हा मार्ग सुरू असला तरी एकंदरीत अंतर पाहता वाहतुकीच्या दृष्टीने त्याचा फारसा उपयोग होत नाहीये. शहरातील मेट्रोचे काम प्रगतीपथावर आहे. नुकतीच पुण्याचे पालकमंत्री चंद्रकांत पाटील यांनी देखील पुणे मेट्रोच्या कामाची पाहणी केली. दरम्यान मंगळवारी सायंकाळी पुणे मेट्रोच्या भुयारी मेट्रोचे ट्रायल रन घेण्यात आले. पुणे मेट्रोच्या वतीने या ट्रायल रनचा व्हिडिओ शेअर करून ही ट्रायल यशस्वी झाल्याचे सांगण्यात आले आहे.
पुणे मेट्रोच्या भूमिगत मार्गामध्ये ट्रेनची चाचणी.
भुयारी मार्गातून मेट्रो धावली सिव्हिल कोर्ट इंटरचेंज स्थानकापर्यंत!Trail Run Conducted in Pune Metro's underground Section
Metro Train Runs from the Elevated Section to the Underground Civil Court Interchange station#PuneMetro pic.twitter.com/Ur8oS2uKZ3— Pune Metro Rail (@metrorailpune) December 6, 2022
स्वारगेट ते शिवाजीनगर असा हा भुयारी मार्ग आहे. या भुयारी मार्गाचे कामकाज 85% पूर्ण झाले आहे. जमिनीपासून 28 ते 30 मीटर खोल हा भुयारी मार्ग आहे. उर्वरित काम देखील प्रगतीपथावर असून ते देखील लवकरच पूर्ण होईल. पिंपरी चिंचवड ते स्वारगेट असा एकूण 17 पूर्णांक 4 km चा हा मेट्रो मार्ग असून त्यापैकी स्वारगेट ते शिवाजीनगर असा हा भुयारी मार्ग बनवून तयार झाला आहे.
