मुंबई- अंडरवर्ल्ड डॉन दाऊद इब्राहिमच्या संपत्तीसंदर्भात काही नेत्यांनी केलेल्या कराराची माहिती घेण्यासाठी मुंबईत सकाळपासूनच ईडीची धडक कारवाई सुरु आहे. हे छापे मुंबईच्या सी-वॉर्डमध्ये टाकण्यात आले असल्याची माहिती समोर आली आहे. या छापेमारीनंतर काही नेते अडचणीत येण्याची शक्यता व्यक्त करण्यात येत आहे.
केंद्रीय गृहमंत्रालयाच्या आदेशाने एनआयए आणि ईडीने छापे टाकले असल्याचे म्हटले जात आहे. ईडीकडून दाऊद इब्राहिमचा भाऊ इक्बाल कासकर आणि बहीण हसिना पारकर यांच्या घरीही छापे टाकण्यात आले असल्याची माहिती आहे. काही राजकीय नेत्यांनी दाऊद इब्राहिमशी संबंधित मालमत्ता खरेदी केली. त्या व्यवहारावरून हे छापासत्र सुरू असल्याचे सांगण्यात येत आहे. ईडीच्या सूत्रांनी दिलेल्या माहितीनुसार, हे छापे मुंबईच्या सी-वॉर्डमध्ये टाकण्यात आले आहेत. दाऊदचा भाऊ इक्बाल कासरकरचा ताबा घेऊन ईडी आणखी चौकशी करणार असल्याचीही माहिती समोर आली आहे.
दरम्यान, ईडीच्या छाप्यावर शिवसेना नेते खासदार संजय राऊत यांनी राष्ट्राच्या सुरक्षेचा मुद्दा असल्यास सहकार्य करणे आवश्यक असल्याचे त्यांनी म्हटले. मात्र
या प्रकरणात नेत्यांची नावे येतील की घुसवली जातील हे मात्र सांगता येणार नसल्याचे राऊत म्हणाले.
