पुणे : मंगळवारी रात्री कात्रज येथील स्मशानभूमी मधील विद्युत दाहिनीचा फ्युज उडाल्याने एक मृतदेह अर्धवट जळाला. या मृतदेहावर अंत्यविधी पूर्ण होऊ शकला नाही. अशात मशीन खराब झाल्यानंतर दोन तास होऊन गेले तरी दुरुस्त करणारी व्यक्ती आली नाही. त्यामुळे घाबरलेल्या कर्मचाऱ्याने थेट वसंत मोरे यांना फोन केला आणि आणि वसंत मोरे यांनी अवघ्या तासाभरात ही मशीन दुरुस्त करून घेऊन मृतदेहावर अंत्यसंस्कार पूर्ण करून घेतले.
ही घटना आहे मंगळवारी रात्रीची कात्रज स्मशानभूमी मध्ये विद्युत दाहिनीमध्ये अंत्यविधीसाठी एक मृतदेह सोडण्यात आला होता. यावेळी अचानक दाहिनीच्या मशीनचं फ्युज उडालं आणि या मृतदेहावर अर्धवटच अंत्यसंस्कार झाले. हा मृतदेह अर्धवट जळाला गेला. अशावेळी त्या ठिकाणी असणारा कामगार देखील घाबरला मशीन खराब होऊन दोन तास होऊन गेले होते. या कामगारांना मशीनच्या दुरुस्तीसाठी बोलावलेल्या व्यक्तीने देखील रात्री येऊ शकत नाही असं सांगून हात वर केले होते. त्यामुळे या कामगारांना रात्री साडेअकरा वाजता फोन लावला तो थेट वसंत मोरेना…
त्यानंतर वसंत मोरे यांनी ठेकेदार आणि मेंटेनन्सच्या लोकांना फोन लावून खरडपट्टी काढली. पुढच्या दोन तासांमध्ये मशीन पूर्ववत दुरुस्त होऊन मृतदेहावर अंत्यसंस्कार झाले नाही तर मी सोशल मीडियावर लाईव्ह येऊन पुढे जे होईल त्यास तुम्ही जबाबदार असाल असे खडसावले. त्यानंतर अवघ्या तासाभरात या गॅस दाहिनीच काम पूर्ण झालं आणि मृतदेहावर अंत्यसंस्कार करण्यात आले.
मशीन खराब झाल्यामुळे मृतदेह अर्धवट जळाला होता. दुसऱ्या दिवशी नातेवाईक सावडण्यासाठी येणार होते. त्यामुळे संबंधित कर्मचारी घाबरला होता. वसंत मोरे यांच्या कार्यतत्परतेने मृतदेहावर वेळेत अंत्यसंस्कारही पार पडले आणि या कर्मचाऱ्यांची नोकरी देखील वाचली आहे.
